ەلباسى: 7 جىل تولىپ وتىرعان ەلوردامىزدىڭ تاريحى باي، جارقىن ساتتەرگە تولى
اقوردانىڭ باسپا ءسوز قىزمەتىنەن حابارلاعانداي، ءىس-شاراعا سونداي-اق پارلامەنت دەپۋتاتتارى، ۇكىمەت مۇشەلەرى، مەملەكەتتىك ورگانداردىڭ، ديپلوماتيالىق كورپۋس، زيالى قاۋىم، ىسكەرلىك، مادەني جانە ءبىلىم بەرۋ سالالارىنىڭ وكىلدەرى قاتىستى.
شارادا ءسوز سويلەگەن مەملەكەت باسشىسى بۇگىندە 17 جىل تولىپ وتىرعان ەلوردامىزدىڭ تاريحى باي، جارقىن ساتتەرگە تولى ەكەنىن اتاپ ءوتتى.
«بۇگىندە ەلىمىزدىڭ باس قالاسى تەك بىرەگەي عيماراتتارىمەن عانا ەمەس، قايتالانباس اتموسفەراسىمەن دە ەرەكشەلەنەدى. استانانىڭ وزىندىك «گراۆيتاتسياسى» بار، ول تالانتتاردى، جاڭا جوبالاردى، قارجىلىق، زياتكەرلىك جانە الەۋمەتتىك كاپيتالدى وزىنە تارتادى. وسى قالادا تۇرىپ، ءوز بولاشاعىن استانامەن بايلانىستىرۋعا ۇمتىلاتىن ادامداردىڭ سانى ارتىپ كەلەدى. ەلوردا حالقىنىڭ سانى ءبىز كۇتكەننەن تەز كوبەيىپ، قازىرگى تاڭدا ميلليونعا جۋىقتاپ قالدى. بۇگىنگى كۇنى استانا رەسپۋبليكالىق بيۋدجەتتىڭ دونورى بولىپ تابىلاتىن وڭىرلەر قاتارىنا ەندى»، - دەدى قازاقستان پرەزيدەنتى.
