بالانىڭ ورتا مەكتەپتى اياقتارداعى ەمتيحاندى قالاي تاپسىراتىنىن 7 جاسىندا بىلۋگە بولادى
مۇنداي تۇجىرىم جاساۋ ءۇشىن ماماندار 11000 نان استام بالانىڭ مالىمەتىن زەرتتەگەن، دەپ جازدى «Psych Central».
زەرتتەۋ بويىنشا، بالالار جەتى جاسقا تولعاندا، ولاردىڭ اتا-انالارى مەن مۇعالىمدەرى انكەتا تولتىرعان. زەرتتەۋشىلەر بالالاردىڭ قاسيەتىن، سونىڭ ىشىندە الاڭعاسارلىعىن، بەلسەندىلىگىن، البىرتتىعىن جانە وزگە دە پروبلەمالارىن ارنايى انكەتا سۇراقتارى بويىنشا باعالايدى.
كەيىن ماماندار بۇل اقپاراتتى زەرتتەۋگە قاتىسقان بالالاردىڭ 16 جاسقا تولعانىندا سالىستىرادى. وسىلايشا، زەرتتەۋشىلەر 7 جاسار بالانىڭ الاڭعاسارلىق ولشەمى بويىنشا ءبىر ۇپايى 16 جاستا ەمتيحان تاپسىرۋى كەزىندە 2-3 ۇپايىن تومەندەتكەنىن اڭعاردى. ەمتيحاندا جاقسى باعاعا قول جەتكىزۋ مۇمكىندىگى مۇنداي بالالاردا %6-7 كەم. سونىمەن قاتار، اتا-اناسىن تىڭدامايتىن بالالاردىڭ وقۋ ۇلگەرىمى ناشار بولعان. عالىمداردىڭ پىكىرىنشە، بۇل جاڭالىق اتا-انالار، مۇعالىمدەر مەن دارىگەرلەر ءۇشىن بالا تاربيەسىندەگى وتە ماڭىزدى ماسەلە.
