الەمنىڭ ەڭ ادەمى 7 بەكەتى - فوتو
1. اتوچا ۆوكزالى، مادريد
اتوچا - يسپانيانىڭ ەڭ ۇلكەن ءارى كونە ۆوكزالدارىنىڭ ءبىرى. ۆوكزالدىڭ العاشقى عيماراتى 1851-جىلى II يزابەللا حانىمنىڭ بۇيرىعىمەن سالىندى. 40 جىل وتكەننەن كەيىن ۆوكزال ورتكە ورانىپ، 1892-جىلى تولىقتاي جوندەۋ جۇمىستارىنان ءوتتى.
سول كەزدە ۆوكزالدىڭ ارحيتەكتورى پاريجدەگى تانىمال ەيفەل مۇناراسىنىڭ اۆتورى گۋستاۆ ەيفەل بولدى. 100 جىل وتكەننەن كەيىن 1992-جىلى جاڭا زاماناۋي اتوچا ۆوكزالى كوپشىلىككە ۇسىنىلدى. ۆوكزالعا 24 تەمىر جولدارى قاتىنايدى.
عيماراتتىڭ ەرەكشە تۇسى - 7000 نان استام وسىمدىكتەر مەن 550 جان-جانۋار تۇرلەرى بار بوتانيكالىق باعى. سونىمەن قاتار، ۆوكزالعا كىشىگىرىم بالىقتار مەن تاسباقالار جۇزەتىن كولشىك تە ءسان بەرەدى.
2. لەج- گييەمەن ۆوكزالى، لەج
بۇل ۆوكزالدىڭ تاريحى ەۋروپادا العاش تەمىر جولدار پايدا بولعاننان جەتى جىل وتكەننەن كەيىن، ياعني 1842-جىلدان باستاۋ الادى. 1958-جىلى عيمارات جاڭا ستاندارتتارعا ساي ەتىلىپ قايتا قالاندى.
ستانتسيا 2009-جىلعا دەيىن ءوز قالپىن ساقتاپ تۇردى. كەيىن سانتياگو كالاتراۆانىڭ جوباسىمەن جاڭارتىلىپ، وت شاشۋمەن سالتاناتتى تۇردە اشىلدى. ۆوكزالدىڭ ءۇستى ۇلكەن 200 مەترلىك اينەك كۇمبەزبەن جابىلعان.
لەج-گييەمەن - كولىك ماگيسترالدارى جەلىسىمەن بىرىكتىرىلگەن ەۋروپانىڭ سيرەك ۆوكزالدارىنىڭ ءبىرى. ۆوكزال لەجدى پاريج، احەن، كەلن جانە فرانكفۋرتپەن بايلانىستىرادى. قۇرىلىسقا 312 ميلليون دوللار قارجى كەتكەن.
3. چحاتراپاتي شيۆادجي ۆوكزالى، مۋمباي
ۇندىلىك ۆوكزال چحاتراپاتي شيۆادجي يۋنەسكو-نىڭ الەمدىك مۇرا تىزىمنە ەنگىزىلگەن. ونىڭ قۇرىلىسىنا 10 جىل كەتكەن. ۆوكزالدىڭ جوباسىن فرەدەريك ستيۆەنس جاساپ، باستاپقىدا عيمارات ۆيكتوريا حانىمنىڭ ەسىمىنە بەرىلگەن بولاتىن.
1996-جىلى ۆوكزال اتاۋى ۇندىلىك ۇلتتىق كاھارمان چحاتراپاتي شيۆادجيدىڭ ەسىمىنە اۋسىتىرىلىپ، ۆيكتوريا حانىمنىڭ مۇسىنىنە دەمونتاج جۇرگىزىلدى.
ستيۆەنس جۇمىسى ءۇشىن بار-جوعى 1600000 رۋپي (شامامەن 27000 دوللار) العان. ارحيتەكتور ءداستۇرلى ۆيكتورياندىق كەزەڭ ارحيتەكتۋراسىن ءۇندى-ساراتسيندىك ستيلمەن ارالاستىرىپ بەرگەن.
4. ليا گار ۆوكزالى، ستراسبۋرگ
فرانسۋزدىق ستراسبۋرگتەگى ليا گار ۆوكزالىن ۇلكەن اينەك كۇمبەز جاۋىپ تۇر. العاش رەت ستراسبۋرگتىك ۆوكزال 1854-جىلى قالاندى. 2006-جىلى ۆوكزالدىڭ ەسكى نۇسقاسىن تولىقتاي قالپىنا كەلتىرۋ شەشىمى قابىلداندى.
ەكى جىل بويى 300 شاقتى قۇرىلىسشىلار 150 ميلليون ەۆرو تۇراتىن 900 توننالىق اينەك كۇمبەزدى ورناتۋمەن بولدى. ۆوكزال، سونىمەن قاتار فرانسيا بويىنشا ەڭ ۇلكەن كومپيۋتەر جۇيەسىمەن جابدىقتالعان. ونى ىسكە قوسۋ ءۇشىن ستانسياداعى حابارلامانى 30 ساعاتقا توقتاتۋعا تۋرا كەلگەن. ۆوكزالدا 350 ورىندىق ۆەلوتۇراق بار.
5. كانادزاۆا ۆوكزالى، كانادزاۆا
جاپونياداعى كانادزاۆا قالاسىندا ورنالاسقان بۇل ۆوكزال ەڭ كونە دەپ سانالادى. العاشقى جولاۋشىلارىن عيمارات 1851-جىلى قابىلدادى. ۆوكزالدىڭ قازىرگى كەيپىن 2005-جىلى قۇراستىرعان.
جەرگىلىكتى تۇرعىندار ءداستۇرلى ديزايندى ىعىستىرعان زاماناۋي ارحيتەكتۋرانى ۇناتپاعانىمەن، تۋريستەر ونى جوعارى باعالادى. عيماراتتا ورىن ازدىعىنان پلاتفورمالار ءبىرىنىڭ ۇستىنە ءبىرى ورنالاستىرىلعان. ۆوكزالدىڭ نەگىزگى قاقپاسى اعاشتان، ال شاتىرى اينەكتەن سالىندى. ىشىندە كىشىگىرىم باق پەن سۋ بۇرقاقتار بار.
6. سامارلىق ۆوكزال، سامارا
ۆوكزال 120 جىل تاريحى بار كۋيبىشيەۆ ستانتسياسىنىڭ ورنىن ىعىستىردى. بۇگىندە اينەكتەن جاسالعان ءىرى عيماراتتىڭ بيىكتىگى - 100 مەتر، ال اۋدانى 32000 شارشى مەتردى قۇرايدى.
ۆوكزالدىڭ 12 تەمىر جولى، 5 پلاتفورماسى، 2 كۇتۋ زالى جانە سۋبۇرقاق ورناتىلعان قىستىق باعى بار. 95 مەترلىك بيىكتىكتە ورنالاسقان سىناق الاڭىنىڭ ارقاسىندا ۆوكزال ەۋروپا بويىنشا ەڭ بيىك عيماراتتاردىڭ بىرىنە كىردى.
7. روسيۋ ۆوكزالى، ليسسابون
روسيۋ ۆوكزالىن تۋريستەر مۇراجاي نەمەسە تەاترمەن شاتاستىرىپ جاتادى. بۇعان XIX عاسىردان بەرى ساقتالىپ كەلگەن ارحيتەكتۋراسى سەبەپ. روسيۋ - كۇردەلى جۇيەمەن سالىنعان ونەر تۋىندىسى.
قالا ورتاسىنان وتەتىن تەمىر جولدار كولىك قوزعالىسىنا كەدەرگى كەلتىرمەۋى ءۇشىن 2600 مەتر تۋننەل قازىلدى. روسيۋ 1957-جىلعا دەيىن باستى ۆوكزال سانالىپ كەلگەنىمەن، قازىردە تەك قالا ماڭىنداعى باعىتتارعا قىزمەت ەتەدى.
NUR. KZ
