وتكەن جىلى قازاقستانعا 7 مىڭعا جۋىق ورالمان كوشىپ كەلدى

استانا. قازاقپارات - 2014 -جىلى توعىز ايدىڭ ىشىندە قازاقستانعا 3347 ورالمان وتباسى كەلدى، بۇل وتباسىلاردىڭ قۇرامىندا بارلىعى 6761 ادام بار، - دەپ حابارلايدى Tengrinews.kz ءتىلشىسى ق ر دەنساۋلىق ساقتاۋ جانە الەۋمەتتىك دامۋ مينيسترلىگىنىڭ باسپا ءسوز قىزمەتىنە سىلتەمە جاساپ.

گەندەرلىك قۇرام بويىنشا، تاريحي وتانىنا ورالعان ازاماتتاردىڭ  3438 ءى ەر ادام ال ايەلدەردىڭ سانى - 3323. ولاردىڭ 1598 ءى بالالار.

ءباسپاسوز قىزمەتىنىڭ مالىمەتتەرى بويىنشا، 6761 ورالماننىڭ 4768 ءى ەڭبەككە جارامدى جاستاعىلار بولسا، 395 ءى زەينەتكەر.

ايتا كەتەيىك، ورالماندار اراسىندا جوعارى ءبىلىمدى 368، ورتا ارناۋلى ءبىلىمى بار 869، جالپى ورتا ءبىلىمدى 2592 جانە ءبىلىم الماعان 938 ادام بار.

ەسكە سالا كەتەيىك، 2014-جىلى ساۋىردە ق ر ەڭبەك جانە حالىقتى الەۋمەتتىك قورعاۋ ءمينيسترى تامارا دۇيسەنوۆا ەندى ەلىمىزدىڭ كەز كەلگەن ايماعىنا كوشىپ كەلگەن ورالماندارعا تەڭ جاعداي جاسالادى دەپ مالىمدەگەن بولاتىن. رەسمي اقپاراتقا سايكەس، 1991-جىلدان بەرى قازاقستانعا 944 مىڭنان استام ورالمان كوشىپ كەلدى. قازىرگى كەزدە ولاردىڭ سانى قازاقستان حالقىنىڭ 5,5 پايىزىنا تەڭ.