سەمىزدىكتىڭ 7 ءتۇرلى قاتەرى
ەندەشە سەمىزدىكتىڭ كەسىرىنەن تۋىندايتىن اۋرۋ قاتەرىنە نازار سالىپ كورەيىك.
1. جوعارى قان قىسىم
كوپتەگەن سەمىز ادام جوعارى قان قىسىم اۋرۋىنا وڭاي شالدىعادى، جۇرەك قىزمەتى دە السىرەيدى. سەمىز ادامداردىڭ ميعا قان قۇيىلۋ اۋرۋىنا شالدىعۋ سالىستىرماسى قان قىسىمى قالىپتى ادامدارمەن سالىستىرعاندا 3 ەسە جوعارى بولادى.
2. قانتتى نەسەپ اۋرۋى
ارتىق مولشەردەگى ماي جاسۋشاسى ۇيقى بەزىنىڭ كوپ مولشەردە ينسۋلين ءبولىپ شىعارۋىن قاجەت ەتەدى، بۇلاي بولعاندا ۇيقى بەزىنىڭ قىزمەتى السىرەپ، قانداعى قانت قۇرامى ارتادى. سەمىز ايەلدەردىڭ قالىپتى دەنە سالماقتاعى ايەلدەرمەن سالىستىرعاندا قانتتى نەسەپ اۋرۋىنا شالدىعۋ سالىستىرماسى 4 ەسە جوعارى بولادى.
3. بۇيرەك اۋرۋى
بۇيرەك دەنەدەگى قاندى كۇنىنە 25 رەت ءسۇزىپ، قانداعى جاراقسىز زاتتار مەن ۋىتتى تازارتىپ، قانداعى تۇز قۇرامى، سۋ قۇرامى جانە باسقا زاتتاردىڭ تەپە-تەڭدىگىن ساقتايدى. دەنە سالماعى ارتقاندا دەنەدەگى ماڭىزدى مۇشە بۇيرەكتى زاقىمدايدى.
4. وكپە قىزمەتىن السىرەتەدى
وكپەنىڭ قىزمەتى بۇكىل دەنەنى وتتەگىمەن قامداپ، كومىرتەگى قوس توتىعىن سىرتقا شىعارادى. سەمىز ادامداردىڭ دەنە سالماعى ارتاتىندىقتان، كوپ مولشەردە وتتەگىن قاجەت ەتەدى. وسى كەزدە ۇيقى باسۋ، تىنىس الۋى قيىنعا سوعۋ، قىزىل جاسۋشا كوبەيۋ سياقتى قۇبىلىستار پايدا بولىپ، سوڭىندا جۇرەك پەن وكپە قىزمەتىن السىرەتەدى.
5. ءتۇرلى قاتەرلى ىسىك اۋرۋلارىنا وڭاي شالدىقتىرادى
مىسالى، ىشەكتىڭ قاتەرلى ىسىگى، تىك ىشەك قاتەرلى ىسىگى، ومىراۋ راگى سىندى اۋرۋلارعا شالدىعۋ وڭاي.
6. جون-ارقا اۋرۋ
دەنە سالماعى ارتقاندا دەنەگە تۇسەتىن اۋىرتپالىقتى ارتتىرىپ، جوننىڭ اۋرۋىنا شالدىقتىرادى.
7. وپەراتسيانىڭ قاتەرىن ارتتىرادى
سەمىزدىگى كۇن سايىن اسقىنعان ادامدارعا ناركوز قويۋدان وپەراتسيا جاساعانعا دەيىنگى بارىستا كۇتپەگەن قاتەرلى جاعدايلاردىڭ تۋۋ سالىستىرماسى دا جوعارى بولادى. ەڭ ۇلكەن قاۋىپ -قاتەر جۇرەكتىڭ السىرەۋى. سونىمەن بىرگە، جاراقات اۋزى وڭاي قابىنادى، ارىق ادامدارمەن سالىستىرعاندا اۋرۋحانادا جاتۋ ۋاقىتى دا ۇزاق بولادى.
بۇدان باسقا، تۇرمىس ساپاسىن تومەندەتىپ، ەڭبەك ىستەۋ قۋاتىنا ىقپال جاسايدى.
massaget.kz
