ەلورداداعى ناۋقاستاردىڭ 79 پايىزىندا كوروناۆيرۋس جەڭىل دارەجەدە
«15 - مامىرداعى جاعداي بويىنشا ەلوردادا كوروناۆيرۋس ينفەكتسياسىن جۇقتىرعان 1173 ادام انىقتالدى. ونىڭ ىشىندە 588 ادام نەمەسە 44 پايىزى ەمدەلدى. جاعدايدىڭ اۋىرلىعىنا قاراي: ءتورت پايىزى اۋىر، 17 پايىزى ورتاشا، 79 پايىزى جەڭىل دارەجەدە» ، - دەدى س. قيسىقوۆا ونلاين باسپا ءسوز ءماسليحاتىندا.
ونىڭ سوزىنە قاراعاندا، قازىرگى ۋاقىتتا اۋرۋحانالاردا زەرتحانالىق تەكسەرۋ ءارى ەم قابىلداۋ ماقساتىندا 1423 ادام جاتىر.
«كوروناۆيرۋس ينفەكتسياسىنان 661 ادام ەم- دوم قابىلداۋدا. ىندەت جۇقتىرعان ناۋقاستاردىڭ اراسىنداعى تورتەۋىندە جاعدايى تۇراقتى اۋىر حالدە، ءبىر ادام جاساندى وكپەنى جەلدەتۋ اپپاراتىنا قوسىلعان. قالعان پاتسيەنتتەردىڭ جاعدايى قاناعاتتانارلىق دەڭگەيدە» ، - دەدى ساۋلە قيسىقوۆا.
بۇدان بۇرىن حابارلانعانداي، نۇر- سۇلتان قالالىق قوعامدىق دەنساۋلىق ساقتاۋ باسقارماسىنىڭ باسشىسى كوروناۆيرۋس ينفەكتسياسىنان قايتىس بولعان ەكى ادام تۋرالى اقپارات بەردى.
