الەمدە 795 ميلليون ادام تويىپ تاماق ىشپەيدى
كليماتتىڭ وزگەرۋى اشىققاندار قاتارىنىڭ 2080-جىلعا قاراي تاعى 600 ميلليونعا وسۋىنە اكەلمەك.
بۇل تۋرالى ب ۇ ۇ- نىڭ تاماقتانۋ قۇقىعى ماسەلەسى بويىنشا ارنايى بايانداماشىسى حيليال ەلۆەر حابارلادى.
«جيىلەگەن جانە ودان دا قارقىندى ەكسترەمالدىق اۋا رايى قۇبىلىستارى، جاھاندىق جىلىنۋ، تەڭىز دەڭگەيىنىڭ ءوسۋى، سۋ تاسقىندارى مەن قۇرعاقشىلىق ازىق-تۇلىكپەن قامتاماسىز ەتۋ مەن تاماقتانۋ قۇقىعىن ىسكە اسىرۋعا كۇردەلى اسەر ەتۋدە»، - دەپ مالىمدەدى حيليال ەلۆەر.
ول عاسىردىڭ سوڭىنا قاراي اۋانىڭ ورتاشا تەمپەراتۋراسىنىڭ 2-4 گرادۋسقا جوعارىلاۋى بولجامى - اۋىل شارۋاشىلىق ءۇشىن ۇلكەن قاۋىپ ەكەنىن اتاپ ءوتتى.
ەكسپەرت سوڭعى ۋاقىتتا ادامزاتتىڭ ءوز-ءوزىن اۋىل شارۋاشىلىعىن جۇرگىزۋدىڭ ونەركاسىپتىك ادىستەرىن كەڭەيتۋ جولىمەن تاماقتاندىرا الاتىنى تۋرالى پىكىر پايدا بولعانىن اتاپ ءوتتى.
