الماتىدا 78 ادام ءومىر بويىنا جۇرگىزۋشى كۋالىگىنەن ايىرىلدى
الماتى قالالىق پوليتسيا دەپارتامەنتىنىڭ مالىمەتىنشە، انىقتاۋ باسقارماسى ءبىر جارىم جىل ىشىندە ق ر ق ك- ءنىڭ 346-بابى 1- جانە 2-بولىكتەرىندە كوزدەلگەن قىلمىس بەلگىلەرى بويىنشا 66 قىلمىستىق ءىستى تەرگەپ، سوتقا جولداعان.
«سوت شەشىمىمەن 78 جۇرگىزۋشى ءومىر بويىنا كولىك قۇرالىن باسقارۋ قۇقىعىنان ايىرىلدى. سونىمەن قاتار، ولارعا 1 جىلدان 6 جىلعا دەيىن باس بوستاندىعىنان ايىرۋ جازاسىن وتەۋدىڭ ناقتى مەرزىمى تاعايىندالدى. قازىرگى تاڭدا 8 قىلمىستىق ءىس سوت تەرگەۋىندە»، - دەدى الماتى قالالىق انىقتاۋ باسقارماسىنىڭ باستىعى ولجاس ءشارىپوۆ.
ۇستالعان جۇرگىزۋشىلەر اراسىندا قىلمىسىن بىرنەشە مارتە قايتالعاندار دا بار. سولاردىڭ ءبىرى - ا. ەسىمدى ازامات.
مامانداندىرىلعان پاترۋلدىك پوليتسيا باتالونىنىڭ ەكيپاجىنا بايتۇرسىن ۇلى مەن قاراساي باتىر كوشەلەرىنىڭ قيىلىسىندا ۇستالدى.
ناركولوگيالىق ساراپتاما كورسەتكەندەي، جۇرگىزۋشى ورتاشا دارەجەدەگى الكوگولدىك ماساڭ كۇيدە بولدى.
«العاش رەت كولىك جۇرگىزۋ قۇقىعىنان 2017-جىلى ايىرىلدىم، رولگە ماس كۇيدە وتىردىم. جازا مەرزىمى بىتكەن جوق. 2020-جىلى تاعى دا ماس كۇيدە ۇستالدىم. سول كەزدە مەن ق ر ق ك- ءنىڭ 346-بابى 1-بولىگى بويىنشا قىلمىستىق جاۋاپكەرشىلىككە تارتىلدىم جانە ءومىر بويىنا كولىك جۇرگىزۋ قۇقىعىنان ايىرىلدىم. ءبىراق، وتكەن كۇنى مەنى تاعى دا توقتاتتى، تاعى ماساڭ كۇيدە بولدىم. بۇل ىسىمە قاتتى وكىنەمىن»، - دەدى ول.
ەسكە سالساق، جۋىردا الماتىنىڭ جەرگىلىكتى پوليتسيا قىزمەتى رەيدتىك ءىس-شارا كەزىندە 4 كۇندە ماس كۇيىندە كولىك ايداعان 21 جۇرگىزۋشىنى ۇستاعان بولاتىن.
