ەكسپو قۇرىلىسىنان 78 ميلليارد تەڭگە ۇنەمدەگەن ا. ەسىموۆ ەلباسىنىڭ العىسىنا بولەندى

استانا. قازاقپارات - كەشە اقوردادا وتكەن ق ر ۇكىمەتىنىڭ كەڭەيتىلگەن وتىرىسىندا ەلباسى نۇرسۇلتان نازاربايەۆ  ەكسپو قۇرىلىسىنا تەك قانا وتاندىق كومپانيالاردى تارتۋ قاجەتتىگىن اتاپ كورسەتتى.

«كەشە ءبىز «ەكسپو-2017» ماسەلەلەرىن قاراستىردىق. قارجىنىڭ نەگىزگى بولىگى قازاقستاندا يگەرىلۋى ءتيىس. وندا قولدانىلاتىن بارلىق بۇيىمدار - سەمەنت، مەتالل، اعاش، جيھاز قازاقستاننان بولۋى ءتيىس. ءبىز «پايداعا قارىق» بولىپ ۇيرەنگەن كومپانيالاردى تاڭداپ الدىق. ولاردىڭ ءارقايسىسىندا ىمىرالاسقان جيھاز فابريكاسى، سەمەنت زاۋىتى بار»، - دەدى ەلباسى.

وسى رەتتە پرەزيدەنت مۇنىڭ بارلىعى «استانا ەكسپو-2017» كومپانياسىنىڭ باسشىسى احمەتجان ەسىموۆكە بەلگىلى جايت ەكەنىن اتاپ ءوتتى.

«جارايسىڭ، 78 ميلليارد تەڭگە ۇنەمدەپ، مەملەكەتكە قايتاردىڭ. قازىر دە بىزدەرگە قاجەت ەمەستەرىن قيىپ تاستا. بىزدەرگە كونگرەسس- حولل قاجەت ەمەس، استانادا جەتكىلىكتى»، - دەدى مەملەكەت باسشىسى.

 اۆتور:   مارلان جيەمباي