شەرەمەتيەۆوداعى ۇشاق اپاتى: بورتتاعى 78 ادامنىڭ 37 ءسى ءتىرى قالعان

ماسكەۋ. قازاقپارات- ت ا س س - تەرگەۋ كوميتەتى شەرەمەتيەۆو اۋەجايىندا ورتەنگەن Sukhoi Superjet 100 ۇشاعىنىڭ بورتىندا بولعان 78 ادامنىڭ 37 ءسى ءتىرى قالعانى تۋرالى ءمالىم ەتتى.

 بۇل جايلى جۋرناليستەرگە جەكسەنبى كۇنى ت ك رەسمي وكىلى سۆەتلانا پەترەنكو ايتتى، دەپ حابارلايدى ت ا س س.

ماسكەۋ- مۋرمانسك باعىتىندا رەيستى ورىنداعان اۋە لاينەرىنىڭ بورتىندا ەكيپاج مۇشەلەرىن قوسقاندا 78 ادام بولعان. قازىرگى ۋاقىتتا تەرگەۋ بارىسىندا انىقتالعان دەرەك بويىنشا ولاردىڭ 37 ءسى ءتىرى قالعان.

تەرگەۋشىلەر زارداپ شەككەندەردەن، وقيعانى كوزىمەن كورگەندەردەن، اۋەجاي قىزمەتكەرلەرىنەن جانە تاسىمالداۋشى- اۋە كومپانياسىنان، سونداي- اق اۋە كەمەسىن پايدالانۋعا قاتىسى بار تۇلعالاردان جاۋاپ الۋعا كىرىستى.