10:52, 04 - مامىر 2015 | GMT +6
ايگىلى موتوتسيكل 77 مىڭ دوللارعا ساتىلدى
استانا. قازاقپارات - ا ق ش- تا گولليۆۋد كينوسى ارقىلى جالپاق جۇرتقا تانىس جارىق ديودتى موتوتسيكل 77 مىڭ دوللارعا ساتىلدى.
تەمىر تۇلپاردى ەندريۋستەر وتباسى «سوتبيستىڭ» ءباسساۋداسى ارقىلى ساتقان. ۇلكەن ەكرانعا وسىدان بەس جىل بۇرىن شىققان «تاق» اتتى فيلمدەگى كۇن ساۋلەسىنەن پايدا بولاتىن كولىك تالايدىڭ تاڭدايىن قاقتىرعان ەدى.
كوپ ۇزاماي الەم بويىنشا ماشينا دايىندايتىن كومپانيالار كينوداعىداي موتوتسيكل جاساپ شىعارۋعا كىرىسكەن بولاتىن. قوس دوڭگەلەكتى كولىكتەردىڭ ءبىرى ەندريۋستەر وتباسىنا دا تيگەن ەدى. البەتتە، جارىق ديودتى موتوتسيكلگە فانتاستيكالىق فيلمدەگىدەي تاڭعاجايىپ قاسيەتتەر ءتان ەمەس.
دەسە دە، ەلەكتر قوزعالتقىشتى كولىك ارتقى جانە الدىڭعى گيدراۆليكالىق تەجەگىشتەرمەن جابدىقتالعان. ەرەكشە موتوتسيكلدىڭ تاعى ءبىر ارتىقشىلىعى ول وتە باياۋ جىلدامدىقتا دا ەمىن- ەركىن وراعىتىپ جۇرە الادى.
www.24.kz
