قاراعاندىدا 75 ادامدى قاعازدا بار، ومىردە جوق جۇمىسقا ورنالاستىرعان
بۇعان قوسا 54,5 ميلليون تەڭگە سوماعا 36 گرانت نەگىزسىز بەرىلگەن جانە پايدالانىلعان. وسى جانە باسقا دا كەمشىلىكتەردى وبلىستىق پروكۋراتۋرا قىزمەتكەرلەرى انىقتاعان، دەپ حابارلايدى قازاقپارات ءتىلشىسى.
وبلىس پروكۋراتۋراسى مەملەكەتتىك گرانت بەرۋ كەزىندە حالىقتى جۇمىسپەن قامتۋ تۋرالى زاڭنامانىڭ بىرنەشە رەت بۇزىلعانىن انىقتاعان.
تەكسەرىس بارىسىندا 58 ميلليون تەڭگەنى ءتيىمسىز پايدالانۋ، 20 ميلليون تەڭگە سوماسىندا گرانتتى ماقساتسىز پايدالانۋ دەرەگى دە بەلگىلى بولعان.
1691 جۇمىسسىز ازاماتتى وقىتقان سوڭ جاڭادان العان ماماندىعى بويىنشا %44 نەمەسە 760 ادام عانا جۇمىسقا ورنالاستىرىلعان.
«مىسالى، وساكاروۆ اۋدانىندا 2021 -جىلى 10 ميلليون تەڭگە بيۋدجەت قاراجاتىنا تالاپ ەتىلمەگەن ماماندىقتار بويىنشا 65 ادام وقىتىلىپ، ناتيجەسىندە 10 ادام عانا جۇمىس تاپقان. 54 ميلليون تەڭگە سوماسىنا 36 گرانت نەگىزسىز بەرىلگەن جانە نىسانالى ماقساتى بويىنشا پايدالانىلماعان. گرانت بيزنەس سۋبەكتىلەرىنە ءوندىرىستى كەڭەيتۋگە جانە جاڭا جۇمىس ورىندارىن اشۋعا ارنالعان. بيزنەس- يدەيالاردى ىسكە اسىرۋعا الىنعان مەملەكەتتىك گرانت وقىتۋعا جانە باسقا دا ماقساتتارعا جۇمسالعان»، - دەدى قاراعاندى وبلىسى پروكۋراتۋراسىنىڭ قوعامدىق مۇددەنى قورعاۋ باسقارماسىنىڭ باستىعى بەكزات احمەتوۆ.
نىسانالى توپتارعا جاتپايتىن قاراعاندى، شاحتينسك، اباي، اقتوعاي اۋداندارىندا 9,8 ميلليون تەڭگەگە 9 گرانت بەرىلدى.
11 كاسىپكەر 6,4 ميلليون تەڭگەگە گرانت العاننان كەيىن ءوز قىزمەتىن توقتاتقان.
ناتيجەسىندە جوسپارلانعان جاڭا جۇمىس ورىندارى قۇرىلماعان. سونىمەن قاتار ازاماتتاردى جالعان جۇمىسقا ورنالاستىرۋدىڭ 75 فاكتىسى انىقتالدى.
بۇل ورىندارعا باسقا ۇيىمداردىڭ قىزمەتكەرلەرى نەمەسە جۇمىس ىستەپ جۇرگەن قىزمەتكەرلەر «ورنالاستىرىلعان» .
«باس پروكۋراتۋرانىڭ تاپسىرماسى بويىنشا جەرگىلىكتى اتقارۋشى ورگانداردىڭ ىشكى ەڭبەك نارىعىن قورعاۋعا، جۇمىسپەن قامتۋعا جاردەمدەسۋگە، سونداي- اق 2021-2022 -جىلدارى جۇمىسسىزدار مەن ءوزىن- ءوزى جۇمىسپەن قامتىعانداردى ناتيجەلى جۇمىسپەن قامتۋعا تارتۋعا باعىتتالعان زاڭنامانىڭ ساقتالۋىنا تەكسەرۋ جۇرگىزىلدى. ونىڭ بارىسىندا زاڭنامانىڭ جانە حالىقتى جۇمىسپەن قامتۋدىڭ جانە مەملەكەتتىك گرانت بەرۋ قاعيدالارىنىڭ بۇزىلعانى انىقتالدى»، - دەيدى قاراعاندى وبلىسى پروكۋراتۋراسىنىڭ قوعامدىق مۇددەنى قورعاۋ باسقارماسىنىڭ پروكۋرورى بوتاكوز سايلاۋبايەۆا.
قازىرگى ۋاقىتتا پروكۋرورلىق قاداعالاۋ اكتىلەرى جاسالدى، الداعى ۋاقىتتا ەڭبەك نارىعىن قورعاۋ سالاسىندا باقىلاۋ كۇشەيەدى.
