14:20, 09 - قىركۇيەك 2017 | GMT +6
قوستاناي وبلىسىندا 75 جىل بۇرىن لاتىن قارپىمەن جازىلعان داپتەر تابىلدى
قوستاناي. قازاقپارات - قارابالىق اۋدانىنىڭ تۇرعىنى ءوز ءۇيىنىڭ جوندەۋ جۇمىستارى كەزىندە ەدەن استىنان 1942 -جىلى لاتىن قارپىمەن جازىلعان وقۋشى داپتەرىن تاۋىپ الدى، دەپ حابارلايدى قازاقپارات.
راسىندا، داپتەردىڭ بىرنەشە پاراقتارى عانا ساقتالعان. ءبىراق، وقۋشىنىڭ قازاق تىلىنەن سىنىپتىق جانە ءۇي جۇمىسىن لاتىن ارىپتەرىمەن جازىپ، ونى ورىس تىلىنە اۋدارعانى انىق كورىنەدى. مۇنى تاپقان بەكبولاتوۆتار وتباسى ولكەتانۋ مۇراجايىنا جۇگىنەدى.
«قىرقىنشى جىلدارى قازاقستاندا تەك قانا لاتىن ءالىپبيى قولدانىلعان. مىنا تابىلعان وقۋشى داپتەرى سونى ايعاقتايدى. 75 جىل تۇرىپ، ەداۋىر ءشىرىپ كەتكەن. دەگەنمەن، بىرنەشە پاراقتارىنا قاراپ، تولتىرىلعان داتاسى، مۇعالىم تۇزەتكەن قاتەلەردى كوردىك»، - دەدى ولكەتانۋ مۇراجايىنىڭ ديرەكتورى راۋشان يسەمبايەۆا.
داپتەر تابىلعان ءۇي تۋرا 100 جىل بۇرىن سالىنعان. سونىمەن قاتار بەكبولاتوۆتار وتباسى الپىسىنشى جىلداردا شىعارىلعان ۇساق مونەتالار تاۋىپ العان.
باتىر جولاي ۇلى