التىن وردانىڭ 750 جىلدىعى تۋريزمدى دامىتۋ تۇرعىسىندا تويلانادى - پرەزيدەنت
«تۋريزمدى دامىتۋعا ايرىقشا ءمان بەرىلەدى. اسىرەسە ەكولوگيالىق جانە ەتنوتۋريزمگە ەكونوميكانىڭ ماڭىزدى باعىتى رەتىندە كوڭىل ءبولىنۋى ءتيىس. التىن وردانىڭ 750 جىلدىعى تۋريستەردىڭ نازارىن تاريحىمىز بەن مادەنيەتىمىزگە، جەرىمىزدىڭ تابيعاتىنا اۋدارۋ تۇرعىسىنان تويلانۋى كەرەك»، - دەدى پرەزيدەنت.
ەسكە سالا كەتسەك، 2019-جىلدىڭ 24- تامىزىندا وتكەن «ۇلىتاۋ - 2019» حالىقارالىق تۋريستىك فورۋمىنا قاتىسقان مەملەكەت باسشىسى قاسىم-جومارت توقايەۆ التىن وردانىڭ 750 جىلدىعىن مەرەكەلەۋ اياسىندا ءبىرقاتار جۇمىس جاسالۋ كەرەكتىگىن اتاپ وتكەن ەدى. پرەزيدەنت التىن وردانىڭ نەگىزىن قالاعان جوشى حاننىڭ ەسىمىن ۇلىقتاۋدى مىندەتتى تۇردە قولعا الۋدى ۇسىندى. ونىڭ ايتۋىنشا، جوشىنىڭ مازارى قازاق جەرىندە تۇرعانىن بۇگىندە ەلىمىزدەگى جانە شەتەلدەگى جۇرتشىلىقتىڭ كوبى بىلە بەرمەيدى.
