الماتىلىقتاردىڭ ساقتاندىرۋ جارناسى 73 ميلليارد تەڭگەدەن استى
بۇل تۋرالى «الەۋمەتتىك مەديتسينالىق ساقتاندىرۋ قورى» ك ە ا ق الماتى قالالىق فيليالى ءمالىم ەتتى، دەپ حابارلايدى قازاقپارات ءتىلشىسى.
«الماتى قالاسى رەسپۋبليكا بويىنشا جارنالار مەن اۋدارىمداردىڭ كولەمى جاعىنان كوش باستاپ تۇر - جيناقتالعان سومانىڭ بەستەن ءبىر بولىگى بۇرىنعىشا، وڭتۇستىك استانانىڭ ەنشىسىندە. جالپى، ساقتاندىرۋ جۇيەسى ىسكە قوسىلعان 2017-جىلدىڭ 1- شىلدەسىنەن 2020-جىلدىڭ 30-شىلدەسىنە دەيىنگى ارالىقتا الماتى قالاسىنان قورعا 73,8 ميلليارد تەڭگەدەن استام جارنا اۋدارىلدى. ونىڭ 63,4 ميلليارد تەڭگەسى - جۇمىس بەرۋشىلەردىڭ قاراماعىنداعى جۇمىسكەرلەر ءۇشىن جاساعان اۋدارىمدارى بولسا، قالعان 10,4 ميلليارد تەڭگە - جەكە كاسىپكەرلەر مەن ازاماتتىق-قۇقىقتىق كەلىسىمشارت بويىنشا ەڭبەك ەتەتىندەرگە تيەسىلى»، - دەدى فيليال ديرەكتورى تلەۋحان ابىلدايەۆ.
سونداي-اق، ءبىرىڭعاي جيىنتىق تولەۋشىلەر سانى دا ارتىپ كەلەدى.
الماتى قالاسى بويىنشا 2019-جىل باسىنان بەرى ءوزىن-ءوزى جۇمىسپەن قامتىعان 185 مىڭنان استام ادام 275,8 ميلليون تەڭگە كولەمىندە ءبىرىڭعاي جيىنتىق تولەم (ب ج ت) تولەگەن.
