اقتوبەدەگى حروم وندىرىسىنە 73 ميلليارد تەڭگە ينۆەستيتسيا سالىنادى

اقتوبە. قازاقپارات - اقتوبە وبلىسىنىڭ اكىمى بەردىبەك ساپاربايەۆ بۇگىن فەرروقورىتپا زاۋىتى، ءدوڭ كەن بايىتۋ كومبيناتىنىڭ جۇمىسشىلارىمەن كەزدەستى، دەپ حابارلايدى قازاقپارات ءتىلشىسى.

اقتوبە وبلىسىنىڭ اكىمى بەردىبەك ساپاربايەۆ ءىرى ءوندىرىس ورىندارىنىڭ ەڭبەك ۇجىمىمەن كەزدەسىپ جاتىر. بۇل جولى اقتوبە فەرروقورىتپا زاۋىتى مەن ءدوڭ كەن بايىتۋ كومبيناتى جۇمىسشىلارىمەن كەزدەسىپ، ەڭبەك كەلىسىمشارتىنىڭ ورىندالۋىن تىڭدادى. جيىنعا ەۋرازيالىق توپ ديرەكتورلار كەڭەسىنىڭ ءتوراعاسى الەكساندر ماشكيەۆيچ قاتىستى.

«ينۆەستيتسيا كوپ بولسا، ەكونوميكاعا جاقسى اسەر ەتەدى. 73 ميلليارد تەڭگە وتە جاقسى كورسەتكىش. بۇل ينۆەستيتسيا جاڭا جۇمىس ورىندارىن اشۋعا مۇمكىندىك بەرەدى. بيىل ورتاشا جالاقى 207 مىڭ تەڭگەگە جەتەدى. باستىسى - جۇمىسشىلاردى قىسقارتۋعا بولمايدى»، - دەدى وبلىس اكىمى بەردىبەك ساپاربايەۆ.

«قازحروم» ت ۇ ك» ا ق پرەزيدەنتى ۆيكتور تيلدىڭ ايتۋىنشا، اقتوبە فەرروقورىتپا زاۋىتىنىڭ №4 سەحى وتكەن جىلى 250 مىڭ توننا ءونىم ءوندىردى. بيىل تاعى 80 مىڭ تونناعا ارتتىرادى. جوسپار بويىنشا اقتوبە فەرروقورىتپا زاۋىتىنداعى №4 سەح تولىق قۋاتتىلىقتا جۇمىس ىستەۋى ءتيىس. بۇل ەۋرازيالىق توپ ديرەكتورلار كەڭەسىنىڭ ءتوراعاسى الەكساندر ماشكيەۆيچتىڭ تاپسىرماسى.

 «الەم بويىنشا ساپالى ونىمگە سۇرانىس جوعارى. سوندىقتان كەن ءوندىرۋ كولەمىن ارتتىرۋ قاجەت. ىسكە قوسىلعان №4 سەح تولىق قۋاتتىلىقتا جۇمىس ىستەۋى كەرەك. ءارى ءوندىرىستى سيفرلاندىرۋ تاپسىرماسى قويىلدى. ويلانىڭىزدار، اقىلداسىپ، ۇتىمدى شەشىم قابىلداڭىزدار. ءبىز ءوندىرىستى جاڭا دەڭگەيگە كوتەرۋىمىز كەرەك»، - دەدى الەكساندر ماشكيەۆيچ.

اۆتور: التىناي ساعىندىقوۆا