بۇدان بىلاي قىتاي شەكاراسىندا جۇك كولىكتەرى 72 ساعاتتان ارتىق ايالدامايدى - باس پروكۋراتۋرا
احۋالدى شەشۋ ماقساتىندا باس كولىك پروكۋراتۋراسى ۆەدومستۆوارالىق جۇمىس توبىن قۇردى، ونىڭ قۇرامىنا ق ر قارجى مينيسترلىگى مەملەكەتتىك كىرىستەر كوميتەتىنىڭ، ۇ ق ك شەكارا قىزمەتىنىڭ، يندۋستريا جانە ينفراقۇرىلىمدىق دامۋ مينيسترلىگىنىڭ، سىبايلاس جەمقورلىققا قارسى ءىس- قيمىل قىزمەتىنىڭ جانە «اتامەكەن» ۇ ك پ- نىڭ وكىلدەرى كىردى.
24-31-ناۋرىز ارالىعىندا ۆەدومستۆوارالىق جۇمىس توبى «نۇر جولى» وتكىزۋ پۋنكتىنە بارىپ، جۇك تاسىمالداۋشىلارمەن، مەملەكەتتىك جانە ۋاكىلەتتى ورگانداردىڭ وكىلدەرىمەن كەزدەسۋلەر وتكىزدى.
پروبلەمالىق ماسەلەلەردىڭ تۋىنداۋ سەبەپتەرى انىقتالىپ، ادال جۇك تاسىمالداۋشىلاردىڭ قۇقىقتارىن قورعاۋعا جانە ەلەكتروندىق كەزەك پروتسەسىنىڭ اشىقتىعىن قامتاماسىز ەتۋگە باعىتتالعان بىرلەسكەن شارالار قابىلداندى.
انىقتالعانداي، شەكارا ماڭىنداعى دۇربەلەڭ «E-border»باعدارلاماسى جۇمىس الگوريتمىنىڭ جەتىكسىزدىگىنەن ورىن العان. باعدارلاما جەڭىل جانە اۋىل شارۋاشىلىعى اۆتوكولىكتەرىنىڭ، سونداي- اق جۇكتەردى تاسىمالداۋ ءۇشىن ق ح ر- نا شىعۋعا يەلەرىنىڭ ماقساتى بولماعان اۆتوبۋستاردىڭ تىركەۋ دەرەكتەرىن پايدالانۋ ارقىلى كەزەك ورىندارىن «برونداۋعا» مۇمكىندىك بەردى.
مولشەرلەمەسى 40 مىڭ ا ق ش دوللارىنا دەيىن جەتكەن جۇك تاسىمالداۋ بويىنشا «كولەڭكەلى قىزمەت كورسەتۋ نارىعىنىڭ» بەلسەندىلىگىمەن بۇل جاعداي كۇردەلەنە ءتۇستى.
جۇمىس توبىنىڭ ۇسىنىسىمەن كەزەكتەن 2000-عا جۋىق اۆتوكولىك الىنىپ تاستالدى، ونىڭ ىشىندە جەڭىل، سونداي- اق بۇرىن ەسەپتەن الىنعان نە ەسەپتە تۇرماعاندارى بار. «E-border»بويىنشا ءتىزىمدى پايدالانۋدى 16-ساۋىردەن توقتاتۋ تۋرالى شەشىم قابىلداندى.
«CarGoRuqsat» جاڭا ەلەكتروندىق كەزەك جۇيەسىندە بۇل ولقىلىقتار ىشكى ىستەر ورگاندارىنىڭ دەرەكقورلارىمەن ينتەگراتسيالاۋ ارقىلى ەسكەرىلدى. بۇل كەزەكتىلىكپەن بايلانىستى الىپساتارلىق جاساۋ مۇمكىندىگىن جويادى.
سونداي- اق، وتكىزۋ پۋنكتىنىڭ اۋماعىندا قالدىرىپ كەتكەن 80-گە جۋىق اۋىر جۇك كولىكتەرى بولدى، ولاردىڭ جۇرگىزۋشىلەرى تاسىمالداۋ قىزمەتتەرىنىڭ قۇنىن جاساندى تۇردە قىمباتتاتۋ ءۇشىن قاساقانا ۇزاق ۋاقىت بويى ق ح ر- عا شىعۋدى كەشىكتىرگەن.
مۇنداي فاكتىلەردى بولدىرماۋ ماقساتىندا، تەحنولوگيالىق سحەماعا تۇزەتۋلەر جوباسى دايىندالدى، وعان سايكەس جۇك تاسىمالداۋشىلار بۇدان بىلاي وتكىزۋ پۋنكتىنىڭ اۋماعىندا 72 ساعاتتان ارتىق بولماۋى ءتيىس.
سونىمەن قاتار، ق ح ر- عا ۆيزا الۋدىڭ قيىندىعىنا قاتىستى شاعىمدار بولدى. جۇرگىزۋشىلەردىڭ كوپشىلىگىندە ۆيزا جوق جانە ءتيىستى ۆيزاسى بار باسقا جۇرگىزۋشىلەرمەن بەلگىلەنگەن قاراجاتقا كەلىسۋگە ءماجبۇر بولۋدا.
باس كولىك پروكۋراتۋراسى سىرتقى ىستەر مينيسترلىگىنە ۆيزا الۋ ءتارتىبى مەن شارتتارىن كەڭىنەن جاريالاۋدى، سونداي- اق قاجەت بولعان جاعدايدا وسى ماسەلە بويىنشا جۇك تاسىمالداۋشىلارمەن كوشپەلى كەزدەسۋلەر وتكىزۋدى ۇسىندى.
ودان بولەك، جۇكتەردى تاسىمالداۋعا حالىقارالىق رۇقسات الۋدا قيىندىقتار بولعان. باس كولىك پروكۋراتۋراسىنىڭ باستاماسىمەن رۇقساتتى تىكەلەي وتكىزۋ پۋنكتىندە بەرۋدى، سونداي- اق جۇك تاسىمالداۋشىلار ءۇشىن ارتىق تالاپتاردى الىپ تاستاۋدى كوزدەيتىن ي ي د م مەن م ك ك بىرلەسكەن بۇيرىققا قول قويدى.
اتالعان وتكىزۋ پۋنكتىندەگى احۋالدى مونيتورينگىلەۋ جالعاسۋدا.
رەداكتور
اسحات رايقۇل
