اتىراۋدا كوروناۆيرۋستان جازىلعاندار سانى 72 پايىزعا جەتتى

اتىراۋ. قازاقپارات - قازىرگى ۋاقىتتا اتىراۋدا كوروناۆيرۋس ينفەكتسياسىن جۇقتىرعان ناۋقاستاردىڭ 72 پايىزى ەمدەلىپ شىققان.

ياعني، ك ۆ ي سىرقاتىمەن تىركەلگەن 10 ​ 383 ناۋقاستىڭ بۇگىندە ​ 7458 ءى قۇلان تازا ساۋىعىپ شىققان، دەپ حابارلايدى اتىراۋ وبلىسى دەنساۋلىق ساقتاۋ باسقارماسىنىڭ باسپا ءسوز قىزمەتى.

«ءبىراق، بۇل ناتيجەگە بوساڭسۋعا بولمايدى. «ەكىنشى تولقىنعا» دايىندىقتى كۇشەيتۋىمىز كەرەك. ءدارى-دارمەك، باسقا دا ۇيىمداستىرۋ شارالارىن قابىلداۋىمىز قاجەت. ​ونىمەن بىرگە اۋرۋحانالارداعى جوسپارلى ەمدەۋدى ءۇش-ءتورت كۇندە باستايمىز. تەك قانا كوروناۆيرۋس ەمەس، باسقا دا ەسەپتە تۇراتىن ناۋقاستار كۇندەلىكتى ەمىن الۋى ءتيىس»، - دەدى اتىراۋ وبلىسى دەنساۋلىق ساقتاۋ باسقارماسىنىڭ باسشىسى نۇرلىبەك قابدىقاپاروۆ.