قاڭتار وقيعاسى بويىنشا 721 كۇدىكتىنىڭ 281 ءى قاماۋدا وتىر - باس پروكۋراتۋرا

«جالپى ەل بويىنشا قاڭتار وقيعاسى كەزىندە جاپپاي تارتىپسىزدىك ۇيىمداستىرۋ جانە وعان قاتىسۋ بويىنشا 721 ادام كۇدىكتى دەپ تانىلدى. ونىڭ ىشىندە 281 ادام قاماۋدا وتىر. الماتى قالاسىندا 82، شىعىس قازاقستان وبلىسىندا 35، جامبىل وبلىسىندا 44، شىمكەنت قالاسىندا 43، قىزىلوردا وبلىسىندا 36، اتىراۋ وبلىسىندا 14، الماتى وبلىسىندا 5، اقتوبە وبلىسىندا 4 ادام قامالعان»، - دەدى ول ورتالىق كوممۋنيكاتسيالار قىزمەتىندە وتكەن بريفينگىدە.
سونداي-اق، ول شىعىس قازاقستان وبلىسىندا ەكسترەميستىك توپ مۇشەسى سەمەيدەگى تارتىپسىزدىككە قاتىسقانىن ايتتى.
«شىعىس قازاقستان وبلىسىنىڭ پروكۋراتۋراسى قيراتۋ، مۇلىكتى جويۋ جانە سەمەي قالاسى اكىمدىگىن باسىپ الۋ ارەكەتتەرىنە قاتىسۋشىنى انىقتادى. 5- قاڭتاردا اتالعان قىلمىسكەر سەمەي قالاسى اكىمدىگىنىڭ عيماراتىنىڭ الدىندا ءبىر توپ اداممەن بىرگە «گازەل» ماركالى پوليتسيا اۆتوكولىگىن اۋدارىپ تاستاعان. ءوزىنىڭ ارەكەتىمەن ول باسقا ادامداردى باۋراپ الىپ، اكىمدىكتى باسىپ الۋعا شاقىرعان. وسى وڭىردە بۇرىن سوتتى بولعان ەكسترەميستىك ۇيىمنىڭ مۇشەسى، قاڭتار وقيعاسىنىڭ باسقا قاتىسۋشىسى انىقتالدى. ول داۋىس كۇشەيتكىش كومەگىمەن سەمەي تۇرعىندارىن قوسىلۋعا شاقىرعان جانە قالا اكىمدىگىن باسىپ الۋدى ۇيىمداستىرۋشىلاردىڭ ءبىرى بولعان. ونىڭ ارەكەتتەرى ۆيدەودا جازىلعان جانە تارتىپسىزدىكتەردىڭ باسقا دا قاتىسۋشىلاردىڭ جاۋاپتارىمەن راستالادى»، - دەدى ەلدوس قيلىمجانوۆ.
بۇعان دەيىن ق ر ءى ءى م تەرگەۋ دەپارتامەنتىنىڭ باسشىسى سانجار ءادىلوۆ قاڭتار وقيعاسى كەزىندە اسىرەسە ءۇش وڭىردە نىساندار قاتتى تونالعانىن ايتقان ەدى.