گولوۆكين: مەيۆەزەرمەن كەزدەسۋ ءۇشىن سالماعىمدى 70 كەلىگە دەيىن تۇسىرەمىن
«قازىر مەن 160 فۋنتقا (72,574 كەلى، ورتا سالماق) كوڭىل ءبولىپ وتىرمىن. ۇلكەن جەكپە-جەك، اسىرەسە مەيۆەزەرمەن جۇدىرىقتاسۋ ءۇشىن 154-155 فۋنتقا (69,85 كەلى، ءبىرىنشى ورتا سالماق) دەيىن تۇسۋگە دايىنمىن. سونداي-اق مەن 168 فۋنتقا (76,203 كەلى، ەكىنشى ورتا سالماق) دەيىن كوتەرىلۋگە دايىنمىن، ءبىراق ۇلى چەمپيونمەن جۇدىرىقتاسۋ ءۇشىن عانا. الايدا بۇل سالماقتا وزىمە لايىقتى قارسىلاس كورىپ وتىرعان جوقپىن.
168 فۋنت تۋرالى ءسوز قوزعاعاندا، ءبىز ءبىرىنشى كەزەكتە كىشى حۋليو-سەسار چاۆەستى اتايمىز - بۇل ۇلكەن PPV جەكپە-جەك بولاتىن ەدى. سونداي-اق كارل فروچ بار. سالماقتى اۋىستىرۋ ءۇشىن بۇل شىنىمەن دە ماڭىزدى جەكپە-جەك بولۋى ءتيىس، ايتپەسە ونىڭ ءمانى بولمايدى. ماعان ۇلكەن جەكپە-جەكتەر قاجەت. كوتەرىلۋ سونداي قيىن ەمەس، الايدا 168 فۋنتتا مەنىمەن جۇدىرىقتاسۋعا ەشكىم كەلىسپەيدى. ەگەر بۇل سالماققا كوتەرىلگەن جاعدايدا، كەيىن ورتاشا ديۆيزيونعا قايتىپ ورالعىم كەلەدى»، - دەدى گولوۆكين.
گەننادي گولوۆكيننىڭ رينگكە قىركۇيەك ايىندا قايتىپ ورالاتىنى كۇتىلىپ وتىر. ونىڭ الەۋەتتى قارسىلاستارىنىڭ شورت-پاراقشاسىنا دەنيەل دجەيكوبس، كىشى كريس يۋبەنك، حيلبەرتو راميرەس، ەريسلاندي لارا جانە بيللي دجو سوندەرس كىرىپ وتىر.
