ناۋرىز مەيرامىندا استانادا 70 تەن استام شارا وتكىزىلەدى
دەپ حابارلادى قالالىق اكىمدىكتىڭ باسپا ءسوز قىزمەتىنەن.
جەكسەنبى كۇنى، 20 - ناۋرىزدا ەلوردادا 213 سايلاۋدا داۋىس بەرۋ ۋچاسكەسى جۇمىس ىستەيتىن بولادى.
استانا اكىمى ادىلبەك جاقسىبەكوۆ بۇل وقيعانىڭ ماڭىزدىلىعىن اتاپ ءوتىپ، اكىمدىكتىڭ بارلىق قىزمەتكەرلەرىنە ۇلكەن جاۋاپكەرشىلىك جۇكتەلەتىنىن تاعى دا ەسكەرتتى.
ايتا كەتەيىك، ەلۋ مىڭ قالا تۇرعىنى ءوز سايلاۋ ۋچاسكەسىن انىقتاۋ ءۇشىن استانا قالاسى اكىمدىگىنىڭ قىزمەتتەرىن پايدالانعان. ادامدارعا ىڭعايلى بولۋى ءۇشىن سايلاۋ ۋچاسكەسىن انىقتاۋدىڭ بىرنەشە جولى ۇسىنىلعان - e.astana.kz اكىمدىگىنىڭ ەلەكتروندى قىزمەتتەر ۆەب- پورتالىنىڭ جانە اstana.gov.kz اكىمدىك سايتىنىڭ سەرۆيسى، بايلانىس ورتالىعى، قوعامدىق ورىنداردا ورنالاسقان اقپاراتتىق دۇڭگىرشەكتەر، سونىمەن قاتار، 1414 قىسقا نومەرىنە SMS جولداۋ سەرۆيسى، WhatsApp جانە Telegram موبيلدى قوسىمشالارى. بارلىق شارالار 20 - ناۋرىزدا ءار تۇرعىننىڭ ءوزىنىڭ ازاماتتىق قۇقىعىن جۇزەگە اسىرۋىنا باعىتتالعان.
بيىل دەمالىس جانە مەرەكە كۇندەرى ناۋرىزدىڭ 19-نان 23-نە دەيىن جالعاسادى. سوندىقتان، ەلوردالىقتاردىڭ دەمالىسىنا جانە قوعامدىق قاۋىپسىزدىككە باسا نازار اۋدارىلاتىن بولادى. قالادا ناۋرىز مەيرامى 14 جەردە اتالىپ وتىلەدى. باستى شارا 21 - ناۋرىزدا «سارى ارقا» رەسپۋبليكالىق ۆەلوترەگىندە ۇيىمداستىرىلادى. سونداي- اق، «استانا ارەنا» ستاديونىنىڭ الدىنداعى الاڭدا حالىقتىق سەرۋەن ءوتىپ، ەتنو اۋل اشىلادى.
اتالعان مەيرامعا ورايلاستىرىلعان شارالار «قازاق ەلى» جانە «بايتەرەك» مونۋمەنتتەرىنىڭ الدىنداعى الاڭداردا، قالالىق الاڭدا، «ستۋدەنتتىك» جانە «جەرۇيىق» پاركتەرىندە دە وتەدى. مەرەكەلىك باعدارلاما اياسىندا كونتسەرتتىك باعدارلامالار، سپورتتىق جارىستار وتكىزىلىپ، كيىز ۇيلەر تىگىلىپ، التىباقاندار ورناتىلادى، ۇلتتىق تاعامدار ۇسىنىلادى.
«باعدارلاما قانىق ءارى قىزىقتى بولۋى ءتيىس، ءار ادام ءوزىنىڭ بۇل ىسكە ورتاق ەكەندىگىن سەزىنۋى كەرەك. بۇل رەتتە بارلىق قالالىق قىزمەتتەر كۇشەيتىلگەن رەجىمدە جۇمىس ىستەۋى قاجەت»، - دەدى ەلوردا اكىمى.
جالپى، ناۋرىز مەيرامى اياسىندا استانادا 70 استام شارا وتكىزۋ جوسپارلانعان.
