04:01, 01 - اقپان 2016 | GMT +5
سلوۆەنيانىڭ باتىسىندا 70 كە جۋىق كولىك سوقتىعىسىپ قالدى
استانا. قازاقپارات - سلوۆەنيانىڭ باتىس بولىگىنىڭ ا1 ماگيسترالىندە 70 كە دەيىن كولىك سوقتىعىسقان، بۇل ەل تاريحىنداعى ەڭ كوپ كولىك سوعىلعان ءىرى اپات بولىپ تابىلادى، دەپ حابارلايدى جەرگىلىكتى STA اگەنتتىگىنەن.
قازا بولعانداردىڭ اراسىندا 4 ادام بار، تاعى 30 ادام ءتۇرلى جاراقاتتار العان. اپاتتا سوعىلعان كولىكتەردىڭ اراسىندا جۇك اۆتوموبيلدەرى مەن اۆتوبۋستار دا بولدى.
الدىن الا مالىمەتتەر بويىنشا، ليۋبليانا مەن ادرياتيكا جاعالاۋىن قوسىپ وتىرعان كۇرە جولداعى اپاتقا قالىڭ تۇمان سەبەپ بولعان.
جول جابىلدى، وقيعا ورنىندا شۇعىل قىزمەتتەر جۇمىس ىستەپ جاتىر.
