استانادا ۇلى جەڭىستىڭ 70 جىلدىعىنا ارنالعان ەرەكشە وتشاشۋ ۇيىمداستىرىلدى - فوتو
اتالعان مەرەكەلىك شارا استانا ۋاقىتىمەن ساعات 22:00 دە باستالدى.
بۇگىنگى وتشاشۋدىڭ باستى ەرەكشەلىگى، ونىڭ بيىكتىگى 400 مەترگە دەيىن جەتەدى، دەپ حابارلادى ق ر قورعانىس مينيسترلىگىنىڭ باسپا ءسوز قىزمەتىنەن. وتشاشۋلار 76 ميلليمەترلىك زيس-3 زەڭبىرەكتەرىنەن ارتيللەريالىق اتۋمەن جۇزەگە اسىرىلدى. اتالمىش زەڭبىرەك تە ت-34 تانكى مەن اتى اڭىزعا اينالعان «كاتيۋشا» ءتارىزدى ۇلى جەڭىس سيمۆولى بولىپ تابىلادى.
وتشاشۋ زاماناۋي ل ۋ ر-10 قوندىرعىسىنان ءتۇرلى-ءتۇستى مەرەكەلىك فەيەرۆەرك تۇرىندە بەرىلۋدە. ارتيللەريالىق جاراقتان بارلىعى 23 دۇركىن اتىلدى (1 دۇركىندە 6 اتۋ بار).
مۇنداي وتشاشۋ الماتىداعى «سايران» اۆتوبەكەتى ماڭىندا دا ورىن الۋدى.
سونىمەن قاتار قازاقستاننىڭ بارلىق ءىرى قالالارىندا دا وتشاشۋلار ۇيىمداستىرىلۋدا. ماسەلەن، قاراعاندىدا ورتالىق ساياباقتا قالالىقتار 70 دۇركىندى وتشاشۋدى تاماشالاي الدى.
ەسكە سالا كەتەيىك، 9- مامىر كۇنى ماسكەۋدەگى قىزىل الاڭدا ۇلى وتان سوعىسىنداعى جەڭىستىڭ 70 جىلدىعى قۇرمەتىنە اسكەري پاراد بولدى. وعان 16 مىڭعا جۋىق ادام مەن 200 اسكەري تەحنيكا قاتىستى. جەڭىس شەرۋىنە ت م د ەلدەرىنەن - ازەربايجان، ارمەنيا، بەلارۋس، قازاقستان، قىرعىزستان، تاجىكستان، ءۇندىستان، موڭعوليا، سەربيا، قىتايدان - 10 پارادتىق ەسەپ اتسالىستى. مەرەكەلىك جيىندى ماسكەۋگە جەڭىس كۇنىنە وراي كەلگەن الەمنىڭ 30 عا جۋىق ەلىنىڭ كوشباسشىلارى تاماشالادى.
