قاراعاندىدا تابيعاتتى قورعاۋ زاڭنامالارىن بۇزۋدىڭ 701 دەرەگى انىقتالدى
قاراعاندى وبلىسى اۋماعىندا شىلدە ايىنان باستاپ تابيعاتتى قورعاۋ بويىنشا وتكىزىلگەن «سۇڭقار» جانە «كيىك» جەدەل الدىن الۋ ءىس- شارالارىنىڭ قورىتىندىسى بويىنشا بريفينگ ءوتتى. وعان قاراعاندى وبلىستىق پوليتسيا دەپارتامەنتىنىڭ تابيعاتتى قورعاۋ بولىمىمەن «وحوتزووپروم» وكىلدەرى، سونداي-اق بۇقارالىق اقپارات قۇرالدارى وكىلدەرى قاتىستى.
«شىلدە ايىندا تابيعاتتى قورعاۋ ءبولىمىنىڭ قىزمەتكەرلەرى 168 بىرلەسكەن رەيدتىك ءىس- شارالار وتكىزدى. ونىڭ قورىتىندىسى بويىنشا تابيعاتتى قورعاۋ زاڭنامالارىن بۇزۋدىڭ 701 دەرەگى انىقتالدى. سوتقا دەيىنگى تەرگەپ- تەكسەرۋدىڭ ءبىرىڭعاي تىزىلىمىنە قىلمىستىق ارەكەتتەرى بار 25 قۇقىق بۇزۋشىلىق تىركەلدى. ونىڭ ىشىندە توعىز دەرەك قىلمىستىق كودەكستىڭ 337-بابىنا سايكەس تىركەلسە، ەكى دەرەك بويىنشا 339-بابىنا سايكەس ءىس قوزعالدى. سونىمەن قاتار 678 اكىمشىلىك قۇقىق بۇزۋشىلىق دەرەكتەرى ورىن الدى. ماسەلەن، 324 دەرەك بويىنشا اكىمشىلىك قۇقىق بۇزۋشىلىق كودەكستىڭ 382-بابى (اڭ اۋلاۋ ەرەجەسىن بۇزۋ) بويىنشا. بۇل بابقا سايكەس اڭ اۋلاۋشىلارعا 6 ميلليون 810 مىڭ تەڭگەگە ايىپپۇل سالىنىپ، ونىڭ 2 ميلليون 888 مىڭى ءوندىرىلىپ الىندى»، - دەدى وبلىستىق پوليتسيا دەپارتامەنتى جەرگىلىكتى پوليتسيا باسقارماسى قىزمەتى، تابيعاتتى قورعاۋ ءبولىمىنىڭ اعا ينسپەكتورى ەرنۇر امانجولوۆ.
بريفينگ بارىسىندا كيىكتەر مەن سۇڭقارلاردىڭ مەكەندەيتىن جەرلەرىن ساقتاۋ بويىنشا ءتۇسىندىرۋ جۇمىستارى جۇرگىزىلدى.
