14:44, 28 - شىلدە 2023 | GMT +5
تالدىقورعان پەرزەنتحانالارىندا 700 نارەستەگە تەگىن بەرىلۋى ءتيىس ءدارىحانا قورابى بەرىلمەگەن
تالدىقورعان. قازاقپارات - تالدىقورعانداعى پەرزەنتحانالار 700-گە جۋىق نارەستەگە تەگىن بەرىلۋى ءتيىس ءدارىحانا قورابىن بەرمەگەن، - دەپ حابارلايدى قازاقپارات ءتىلشىسى.
مۇنداي زاڭسىزدىقتى پروكۋرورلار انىقتادى.
«زاڭعا سايكەس، جاڭا تۋعان بالانىڭ اناسىنا ءدارىحانا قوراپشاسى بەرىلۋى ءتيىس. الايدا، اتالعان مەكەمە 2023 -جىلى بۇل تالاپتى ورىنداماعان. پروكۋراتۋرانىڭ ارالاسۋىنان كەيىن 673 بالانىڭ اناسى ءدارىحانا قوراپشاسىمەن قامتىلدى»، - دەلىنگەن جەتىسۋ وبلىسى پروكۋراتۋراسى باسپا ءسوز قىزمەتىنىڭ حابارلاماسىندا.
ۆەدومستۆونىڭ اقپاراتىنا سايكەس، مۇنداي ولقىلىققا جول بەرگەن جاۋاپتى ماماندار تارتىپتىك جازاعا تارتىلدى.
