قۇربان ايتتىڭ قۇرمەتىنە 700 گە تارتا تۇتقىنعا راقىمشىلىق جاسالادى

نۇر-سۇلتان. قازاقپارات - بىرىككەن اراب امىرلىگىنىڭ بيلىگى ىزگىلەندىرۋ شاراسىن ءدىني ايتۋلى كۇندەرمەن بايلانىستىرىپ، راقىمشىلىق جاساۋدى داستۇرگە اينالدىرعان سەكىلدى.

ولاي دەيتىنىمىز، بيىل دا ءتۇرلى قىلمىس جاساپ، تەمىر توردىڭ ارعى جاعىندا جازاسىن وتەپ جاتقان 700 گە تارتا، دالىرەگى، 669 تۇتقىنعا راقىمشىلىق جاساۋعا بەل بۋىپ وتىر.

اتالعان اراب ەلىنىڭ پرەزيدەنتى حاليف بەن زايد ءال-ناحاياننىڭ پارمەنىمەن. مۇنىمەن عانا شەكتەلىپ قالماي، ايىپتالعانداردىڭ موينىنا ىلىنگەن بارلىق ايىپپۇل مەن قارىزدى كەشىردى. وسىدان ەكى اي بۇرىن وتكەن ورازا ايت كەزىندە وزبەكستان بيلىگى 575 تۇتقىنعا راقىمشىلىق جاساعانى تۋراسىندا حابارلاعان ەدىك.

islam.kz