بيىل پاۆلوداردا 700 مىڭ توننادان استام استىق جينالدى

استانا. قازاقپارات - بيىلعى جىل وبلىستىڭ اگرارلىق سەكتورى ءۇشىن تابىستى بولدى، دەپ حابارلايدى pavlodarnews.kz.

ءوڭىر ديحاندارى 700 مىڭ توننادان استام استىق جينادى. بۇل 2014-جىلمەن سالىستىرعاندا 2 ەسە كوپ. كارتوپتىڭ ونىمدىلىگى 1،2 ەسەگە ءوستى. سونداي-اق، 2015-جىلى ۇزاق ۋاقىت بويى قاڭتارىلىپ تۇرعان ەرتىس جانە ءۋاليحانوۆ ەليەۆاتورلارى قاتارعا قوسىلدى.

 ۋسپەن اۋدانىندا جاڭا ەكى استىق ساقتاۋ قويماسى پايدالانۋعا بەرىلدى. مال شارۋاشىلىعى سالاسىنداعى جۇمىستار ەت ەكسپورتىن ۇلعايتۋعا باعىتتالدى. 1032 توننادان استام ەت ءونىمى شەتەلگە ەكسپورتتالدى. سونداي-اق بيىل اۋىل شارۋاشىلىعى ونىمدەرىن قايتا وڭدەۋ سالاسىنا باسا ءمان بەرىلدى. بۇل رەتتە، 23 نىسان ىسكە قوسىلدى.