جىل سايىن 700 مىڭنان استام ادام باس جانە مويىن قاتەرلى ىسىگىنەن باقيلىق بولادى

استانا. قازاقپارات - جىل سايىن الەمدە 700 مىڭنان استام ادام باس پەن مويىننىڭ قاتەرلى ىسىگىنەن كوز جۇمادى. استانادا جىلىنا وسى اۋرۋعا شالدىققان 1700 ناۋقاس تىركەلەدى. وتاندىق دارىگەرلەر بۇل دەرتتى ەمدەپ، ءساتتى وپەراتسيالار جۇرگىزۋدە.
None
None

 ال ۇلتتىق سكرينينگتىك باعدارلاما ارقاسىندا اۋرۋدىڭ الدىن الۋ مۇمكىندىگى تۋىپ وتىر. بۇگىن ونكولوگيالىق ديسپانسەر ماماندارى 65 جاستاعى ازاماتشاعا ءساتتى وپەراتسيا جاسادى.

بۇل دارىگەرلەردىڭ كوپجىلدىق جۇمىسى مەن تاجىريبەسىنىڭ ناتيجەسى. ناۋقاستا قالقانشا بەزىنىڭ قاتەرلى ىسىگى بولعان. ءبىراق كوپكە دەيىن ول ءوزىنىڭ سىرقاتىن بىلمەگەن. دەگەنمەن دارىگەرلەر 4-ساتىلى ىسىكتى قينالماي ەمدەپ شىقتى.

 دارحان احمەدين، قالالىق ونكولوگيالىق ورتالىقتىڭ باس جانە مويىن ىسىگى بولىمشەسىنىڭ مەڭگەرۋشىسى:

 - ناۋقاس كەزىندە جەرگە قۇلاعان. سول كەزدە 6 ومىرتقاسىن سىندىرىپ الىپتى. سول زاقىمنان پايدا بولعان ىسىكتى نەيروحيرۋرگتار الىپ تاستاپ، ونى بيوپسياعا جىبەردى. تەكسەرە كەلە، قالقانشا بەزدىڭ قاتەرلى ىسىككە شالدىققانىن انىقتادىق.

 قالقانشا بەز ىسىگىن ەمدەگەن كەزدە ناۋقاستاردىڭ % 90- ى جازىلىپ كەتەدى. ال جالپى دەرتتىڭ ءوزى ءارتۇرلى سەبەپتەرگە بايلانىستى قوزۋى مۇمكىن. كوبىنە ونى ناۋقاس سەزبەي ۋشىقتىراتىن بولسا، كەيدە دارىگەرلەردىڭ دە قاتەلىگى وسىعان سەبەپشى بولىپ جاتادى. سوندىقتان دەرتتىڭ الدىن الۋ ءۇشىن دارىگەرلەر مىناداي ءبىرقاتار كەڭەس بەرەدى.

مۇحتار تولەۋتايەۆ، قالالىق     ونكولوگيالىق ورتالىقتىڭ باس دارىگەرى:

 - تاعامدا يود بولۋ كەرەك. دۇكەننەن يودتى تۇز الۋ كەرەك. سوسىن ءارتۇرلى يودومارين، تاعامدار قولدانۋ كەرەك. بالىق، كوكونەىستەردى كوبىرەك جەۋ كەرەك. سوندا قالقانشا بەزدىڭ جاعدايى قالىپتى بولادى.

 مامانداردىڭ ايتۋىنشا، كەز   كەلگەن ادام ۋاقىتىلى دارىگەرلەردىڭ باقىلاۋىنان وتكەنى دۇرىس. قازىر ەلدە ۇلتتىق سكرينينگتىك باعدارلاماسى جۇزەگە اسىپ جاتىر. ول سىرتقاتتىڭ 1-ساتىسىندا انىقتاۋعا مۇمكىندىك بەرەدى. ەندى وتاندىق دارىگەرلەر قىركۇيەك ايىندا استانا، الماتى جانە شىمكەنت قالالارىندا   باس، مويىن قاتەرلى ىسىگىنىڭ الدىن الۋ ءۇشىن ارنايى اپتالىق وتكىزبەك.

www.24.kz

سوڭعى جاڭالىقتار