بيىل استانا كۇنىن تويلاۋعا 700 ميلليون تەڭگە مەملەكەت قارجىسى بولىنەدى

استانا. قازاقپارات - بيىل استانا كۇنىن مەرەكەلەۋگە بيۋدجەت قاراجاتىنان 700 ميلليون تەڭگە ءبولىنىپ وتىر.
None
None

 بۇل تۋرالى  ورتالىق كوممۋنيكاتسيالار قىزمەتىندە وتكەن بريفينگتە استانا قالالىق مادەنيەت باسقارماسىنىڭ باسشىسى بولات ماجاعۇلوۆ مالىمدەدى.

ونىڭ ايتۋىنشا، بيىلعى مەرەكەلىك شارالار ءوزىن- ءوزى تولىعىمەن اقتايدى.

«قالا تۇرعىندارى مەن قوناقتارىنا قىزىقتى بولادى دەگەن كوممەرتسيالىق شارالاردى وتكىزۋ ءۇشىن ارتىستەرگە ساحنالار مەن الاڭداردى، كونسەرتتىك زالداردى تەگىن بەرەمىز. ماسەلەن، «ا- ستۋديونىڭ» كونتسەرتىن ايتار بولساق، ءبىز ولارعا كونتسەرت زالىن تەگىن بەرەمىز جانە سىرتقى جارناماسىن جاسايمىز. ال ودان ءارى كونسەرت ءوزىن- ءوزى اقتايتىن بولادى. ءبىز بۇل تاجىريبەنى ءار جەردە قولدانامىز. سوندىقتان بۇل شارالار قالالىق بيۋدجەتتىڭ شىعىنىن ازايتادى دەگەن ۇمىتتەمىز» ، - دەپ اتاپ ءوتتى ول.

ال استانا قالالىق ىشكى ساياسات باسقارماسىنىڭ باسشىسى بولات تىلەپوۆتىڭ ايتۋىنشا، بيىلعى استانا كۇنىندە شامامەن 70 كە جۋىق ءىس- شارا ۇيىمداستىرىلادى.

«باستى نازار استانا قالاسىنىڭ كوشەلەرى مەن الاڭدارىندا، ساياباقتارى مەن گۇلزارلارىندا وتەتىن شارالارعا اۋدارىلىپ وتىر. سونىمەن قاتار، «ايالاعان استانا» رەسپۋبليكالىق تەلەۆيزيالىق بالالار بايقاۋى، جىل سايىن ۇيىمداستىرىلاتىن تەاتر فەستيۆالى، «مىڭجىلدىقتار توعىسىنداعى استانا» كوشپەلىلەر وركەنيەتى فەستيۆالى، «استانا ارقاۋ» تۇركى مۋزىكاسىنىڭ سايىسى جانە تاعى باسقا رەسپۋبليكالىق دەڭگەيدەگى شارالار وتكىزىلەدى» ، - دەپ اتاپ ءوتتى ب. تىلەپوۆ.

اۆتور: ءابۋ- اسقار مەكەش ۇلى

سوڭعى جاڭالىقتار