قازاقستان مەن جاپونيا 700 ميلليون دوللار كولەمىندەگى 10 جوبانى جۇزەگە اسىرماق - ن. نازاربايەۆ

استانا. قازاقپارات - قازاقستان مەن جاپونيا اراسىندا قۇنى 700 ميلليون دوللار كولەمىندەگى 10 جوبانى بەلسەندى تۇردە العا جىلجىتۋدا. بۇل تۋرالى بۇگىن اقوردادا جاپونيا پرەمەر- ءمينيسترى سيندزو ابەمەن كەڭەيتىلگەن قۇرامداعى كەلىسسوزدەر بارىسىندا ەلباسى نۇرسۇلتان نازاربايەۆ ءمالىم ەتتى.

«قازاقستاندا ءبىرقاتار جاپوندىق ءىرى كومپانيالار بەلسەندى جۇمىس ىستەۋدە. بۇگىندە 50 بىرلەسكەن كاسىپورىن تىركەلگەن، 700 ميلليون دوللاردان استام قارجىعى 6 بىرلەسكەن جوبا جۇزەگە اسىرىلعان، سونىمەن قاتار قۇنى 700 ميلليون دوللار كولەمىندەگى تاعى 10 جوبا بەلسەندى تۇردە العا جىلجىتۋ كەزەڭىندە تۇر»، - دەدى پرەزيدەنت.

وسى ورايدا ەلباسى قوستانايدا «تويوتا» ماركالى ماشينالاردى قۇراستىرۋ بويىنشا زاۋىتتىڭ اشىلۋى ايرىقشا مانگە يە ەكەنىن اتاپ ءوتتى.

«بيىلعى 25 - قازاننان باستاپ ينۆەستيتسيالاردى ىنتالاندىرۋ مەن ءوزارا قورعاۋ تۋرالى ەكى جاقتى كەلىسىمنىڭ كۇشىنە ەنۋى ءبىزدىڭ قاتىناستاردىڭ قۇقىقتىق بازاسىن ايتارلىقتاي كۇشەيتە تۇسەدى»، - دەدى پرەزيدەنت.

اۆتور: رۋسلان عابباسوۆ