جەڭىسكە 70 جىل: پارادتا اۆياتورلار ا ۋەدە «70» سانىنىڭ بەينەسىن كورسەتەدى

استانا. قازاقپارات - ۇلى وتان سوعىسىنداعى جەڭىستىڭ 70 جىلدىعىنا ارنالعان قازاقستاندىق ارميا تاريحىنداعى ەڭ ءىرى اسكەرلەر پارادىنا ءۇش كۇن ۋاقىت قالدى. پارادتا اۆيا- شوۋ ەرەكشە ورىن الاتىن بولىپ وتىر.

«اسكەري ۇشقىشتار جەكە جانە پيلوتاجدى توپ قۇرامىندا جوعارعى پيلوتاج فيگۋرالارىن ورىنداپ، ءوز شەبەرلىكتەرىن كورسەتپەك.

 اۆياتورلار ۇلى جەڭىستىڭ مەرەيتويىن ايعاقتايتىن «70» سانىن اۋەدە كورسەتىپ كورەرمەندەرگە سىي جاسايدى. 7 - مامىر كۇنى استانا اسپانى استىندا قازاقستاندىق ءا ءا ك قارۋىنىڭ ءبىر بولىگى بولىپ سانالاتىن 70 اۆياتسيالىق تەحنيكا اۋەگە كوتەرىلەدى»، - دەپ اتاپ وتىلگەن ق ر قورعانىس مينيسترلىگى مالىمەتىندە.

بۇلار مايداندىق، اسكەري- كولىكتىك جانە ارميا اۆياتسياسىنىڭ سۋ-25, سۋ-27, سۋ-30, ميگ-29, ميگ-31, ميگ-27, ان-26, ان-72, تۋ-134, تۋ-154, س-295 (Airbase Military) ۇشاقتارى، سونداي- اق مي-8, مي-17, مي-171, مي-26, ك-32 جانە ە س-145 (ەۆروكوپتەر) تىكۇشاقتارى.

بۇدان وزگە پارادقا ق ر قارۋلى كۇشتەرىنىڭ تاريحىندا تۇڭعىش رەت قازاقستاندىق اسكەري- اۋە كۇشتەرىنىڭ ساپىن تولىقتىرعان جاڭا جوعارعى مانيەۆرلى Су-30СМ  جويعىش ۇشاعى قاتىساتىن بولادى.

«الداعى پاراد - ءبىزدىڭ بولاشاعىمىز ءۇشىن، بەيبىتشىلىك پەن بوستاندىق ءۇشىن كۇرەسكەن باتىر اتا- بابالارىمىزعا قۇرمەت، سونداي- اق بۇگىندە ەل قورعانى بولىپ تابىلاتىن قازاقستاندىق ارميانىڭ  جاۋىنگەرلىك كۇش- قۋاتىن كورسەتەدى. ەرتەڭ 5 - مامىر كۇنى استاناداعى ايتۋلى اسكەري پارادتىڭ باس دايىندىق شارالارى وتەتىن اتاپ وتكەن ءجون. اۋقىمدى شەرۋگە  5000-نان اسا اسكەري قىزمەتشى، 220 بىرلىك زاماناۋي قارۋ- جاراق پەن اسكەري تەحنيكا، سونىمەن بىرگە 70 بىرلىك قازىرگى زامانعى اۆياتسيا تەحنيكاسى تارتىلادى»، - دەلىنگەن ۆەدومستۆو حابارلاماسىندا.