الەم حالقىنىڭ 70 پايىزى 2050 -جىلعا قاراي قالالاردا ءومىر سۇرەدى

استانا. قازاقپارات - 2050 -جىلعا قاراي عالامشار تۇرعىندارىنىڭ 70 پايىزى قالالاردا تۇراتىن بولادى. بۇل تۋرالى كۋالا- لۋمپۋردا ءوتىپ جاتقان بۇكىلالەمدىك قالالار فورۋمىندا ايتىلدى، دەپ حابارلايدى ب ۇ ۇ جاڭالىقتار ورتالىعى.

جيىندا ءسوز سويلەگەن ب ۇ ۇ ەلدى مەكەندەر بويىنشا باعدارلاماسىنىڭ باسشىسى مايمۋناح موحت شاريف جۋىقتا جاسالعان زەرتتەۋلەر تۇراقتى ۋربانيزاتسيا عالامدىق جىلىنۋ مەن كەدەيشىلىك سياقتى ماسەلەلەردى شەشۋدىڭ ماڭىزدى قۇرالى ەكەندىگىن ايتتى.

قازىردىڭ وزىندە جەر بەتىندەگى ادامزات اتاۋلىنىڭ جارتىسى قالالاردا تۇرادى ەكەن. 2050 -جىلعا قاراي ولاردىڭ سانى 6,3 ميللياردقا جەتپەك. قازىر ادامدار ەڭ كوپ ورنالاسقان قالا توكيو، مۇندا 37,2 ميلليون ادام ءومىر سۇرەدى. ودان كەيىن دەلي قالاسى - 22,7 ميلليون، مەحيكو مەن نيۋ- يوركتىڭ 20,4 ميلليون تۇرعىنى بار.

فورۋمنىڭ كۇن تارتىبىندە 2030 -جىلعا دەيىنگى دامۋ جوسپارلارى قارالدى. العا قويىلعان 17 ماقساتتىڭ بىرىندە قالالالاردىڭ قاۋىپسىزدىگى مەن بەرىكتىگىن كۇشەيتۋ تۋرالى ايتىلادى.