استانادا 7 جانە 9-مامىر مەرەكەسى قالاي اتالىپ وتەدى

استانا. قازاقپارات - وتان قورعاۋشىلار كۇنى مەن جەڭىستىڭ 78 جىلدىعىنا وراي، استانادا ءبىرقاتار مەرەكەلىك شارا ۇيىمداستىرىلادى، دەپ حابارلايدى قازاقپارات ەلوردا اكىمدىگىنىڭ رەسمي سايتىنا سىلتەمە جاساپ.

ەلوردادا 7 جانە 9-مامىر مەرەكەسىنە وراي، 50 دەن استام ءىس-شارا وتكىزۋ جوسپارلانىپ وتىر.

اتاپ ايتقاندا، 8-مامىرعا دەيىن اسكەري- پاتريوتتىق مۋزەيدە وقۋشىلارعا تەگىن ەكسكۋرسيالار وتكىزىلەدى. وتان قورعاۋشىلار كۇنىنە وراي مەكتەپتەر مەن كوللەدجدەردە ەرتەڭگىلىكتەر، ءبىرىڭعاي سىنىپ جانە كۋراتورلىق ساعاتتار، «وتان ءۇشىن وت كەشكەندەر» اسكەري قىزمەتشىلەرمەن تاقىرىپتىق كەزدەسۋلەر ۇيىمداستىرىلادى.

2-10-مامىر ارالىعىندا «جانسايا» الەۋمەتتىك قىزمەت كورسەتۋ ورتالىعىندا جەڭىس كۇنىنە ارنالعان اندەر، ولەڭدەر مەن قولونەر بايقاۋى وتكىزىلەدى.

5-مامىر كۇنى «دەمەۋ» قايتا الەۋمەتتەندىرۋ ورتالىعى وتان قورعاۋشىلار تۋرالى فيلم كورسەتەدى.

5-مامىر كۇنى ساعات 11:00-دە «ءۇمىت» داعدارىس ورتالىعىندا جەڭىس كۇنىنە وراي تاربيە ساباعى جوسپارلانىپ وتىر. ساعات 15:00-دە بەلسەندى ۇزاق ءومىر ءسۇرۋ ورتالىعى كوركەمونەر ۇجىمدارىنىڭ قاتىسۋىمەن «ەرلىك ءىزى وشپەيدى» كونسەرتىنە شاقىرادى.

5-8-مامىر ارالىعىندا ءبىلىم بەرۋ ۇيىمدارىندا «ارامىزداعى ارداگەر» چەللەندجى باستالادى. ال، №50، 60، 80 جانە 52-مەكتەپتەردە «قاندى سوعىس تۋرالى شاعىن اڭگىمەلەر» اتتى تانىمدىق دارىستەر وتەدى.

5-8-مامىر ارالىعىندا ساكەن سەيفۋللين مۇراجايىندا وتان قورعاۋشىلار كۇنىنە ارنالعان «ەل قورعانى - ۇلاندار» كورمەسى وتەدى.

6-9-مامىر ارالىعىندا ەلوردانىڭ بارلىق اۋدانىندا مەرەكەنىڭ باستى رامىزدەرىنىڭ ءبىرى - ەستەلىك توسبەلگىلەر مەن جەڭىس لەنتالارىن تاراتۋ اكسياسى وتەدى.

7-مامىردا مەرەكەلىك كونسەرتتەر «بايتەرەك» - «وتانىم - اماناتىم» مونۋمەنتىنىڭ جانىندا ساعات 18:00-دەن 22:00-گە دەيىن جانە Nomad City Hall - «جەڭىس جولى» عيماراتىنىڭ جانىندا ساعات 12:00-دە وتەدى. ساعات 15:00-دە جانە 19:00-دە مۋزىكالىق جاس كورەرمەن تەاترى «گاۋھارتاس» مۋزىكالىق دراماسىنا شاقىرادى.

7-9-مامىر ارالىعىندا ۇركەر تۇرعىن الابىندا №5573 اسكەري ءبولىمى ۇرمەلى اسپاپتار وركەسترىنىڭ دالالىق اسحاناسى مەن كونسەرتى ۇيىمداستىرىلادى. وسى كۇندەرى «اقجول» اۋلا كلۋبى كونسەرتتىك باعدارلاما ۇسىنادى.

7-9-مامىر ارالىعىندا اسكەري وركەستر ارداگەرلەردى ءوز ءۇيىنىڭ اۋلاسىندا جەڭىس كۇنى مەرەكەسىمەن قۇتتىقتايدى.

8-11-مامىر ارالىعىندا ساكەن سەيفۋللين مۇراجايىندا ق. قايسەنوۆتىڭ 105 جىلدىعىنا ارنالعان «ۇلى جەڭىس باتىرلارى جانە قاسىم» ەكسپوزيتسياسى جۇمىس ىستەيدى.

8-مامىردا سوعىس ارداگەرلەرى مەن تىل ەڭبەككەرلەرى ءۇشىن قالا اۋلالارىندا ءداستۇرلى جىلجىمالى كونسەرت ۇيىمداستىرىلادى. ساعات 18:00-دە Qazaqstan و ك ز ساحناسىندا ەركەش شاكەيەۆتىڭ Eastwest in Astana مەرەيتويلىق اۆتورلىق كونسەرتى باستالادى.

8-مامىر كۇنى ساعات 19:00-دە Nomad City Hall-دا كورەرمەندەر د. يسابەكوۆتىڭ «تىنىشتىق كۇزەتشىسى» دراماسىن تاماشالاي الادى.

9-مامىردا «وتان انا»، باۋىرجان مومىش ۇلى، راقىمجان قوشقاربايەۆ، مانشۇك مامەتوۆا، تالعات بيگەلدينوۆ، ءاليا مولداعۇلوۆا، يۆان پانفيلوۆ ەسكەرتكىشتەرىنە، قازا تاپقان جاۋىنگەرلەرگە ارنالعان مونۋمەنتالدى كەشەنگە گۇل شوقتارىن قويۋ ءراسىمى وتەدى.

9-مامىر ساعات 14:00-دەن 17:00-گە دەيىن ەسىل جاعالاۋىنداعى امفيتەاتردا «وتانعا قىزمەت - ۇلى قۇرمەت» كونسەرتتىك باعدارلاماسى ۇيىمداستىرىلادى. 9-مامىردا سپورتسۇيەر اۋەسقويلار ترياتلون پاركىندەگى جەڭىل اتلەتيكا ەستافەتاسىنا قاتىسا الادى.

9-مامىر ساعات 19:00-دە مۋزەيدە «CHANEL №5» دەرەكتى دراماسى ۇسىنىلادى.

11-مامىر كۇنى ساعات 12:00-دە «ارداگەر» حالىق حورى بەلسەندى ۇزاق ءومىر ءسۇرۋ ورتالىعىندا «ءبىز بۇل كۇندى ەستە ساقتايمىز» كونسەرتىمەن ونەر كورسەتەدى.

11-مامىر كۇنى كەشكە «جاستار» سارايىنىڭ زالىندا «استانا» ەسترادالىق سيمفونيالىق وركەسترى ونەر كورسەتەدى.

17-مامىر كۇنى ساعات 12:00-دە «سوعىستا دا ءان شىرقالعان» ادەبي-مۋزىكالىق كومپوزيتسياسى وتەدى.

23-مامىر كۇنى ساعات 15:00-دە تىل ەڭبەككەرلەرىمەن كەزدەسۋ ۇيىمداستىرىلادى.

ەستەرىڭىزگە سالا كەتەيىك، جەڭىستىڭ 78 جىلدىعىنا وراي، سوعىس ارداگەرلەرى مەن مۇگەدەكتەرىنە، اسكەري ءىس- قيمىلدارعا قاتىسۋشىلارعا، استانادا تۇراتىن تىل ەڭبەككەرلەرىنە ءبىرجولعى تولەم اۋدارىلادى.

سونداي-اق، وسى سانات ءۇشىن-مامىر ايىندا №8-ەمحانادا تەگىن مەديتسينالىق تەكسەرۋدەن ءوتۋ ءىسى قاراستىرىلعان. «قامقورلىق مەكەنجايى» اكسياسى اياسىندا ولارعا ازىق- تۇلىك سەبەتتەرى بەرىلەدى، اۋلالارى قوقىستاردان تازارتىلادى جانە ت. ب.