قازاقستاندا ءولىم-ءجىتىم كورسەتكىشى 7,5 پايىزعا تومەندەگەن - زەرتتەۋ
Ranking.kz زەرتتەۋىنە سەنسەك، وسى جىلدىڭ ءبىرىنشى توقسانىندا قازاقستاندا 31,2 مىڭ ادام كوز جۇمعان. بۇل - ءبىر جىل بۇرىنعى كورسەتكىشتەن 7,5 پايىزعا تومەن. وسى ادامنىڭ ىشىندەگى 61,4 پايىزى (19,2 مىڭ) - قالا حالقى بولسا، 38,6 پايىزى (12 مىڭ) - اۋىل تۇرعىندارى.
«گەندەرلىك ايىرماشىلىق جاعىنان كوز جۇمعان ەر ادامداردىڭ سانى ايەلدەردىڭ سانىنان ارتىق. ناقتىراق ايتقاندا، وسى جىلدىڭ ءۇش ايىندا 14,4 مىڭ ايەل، 16,8 مىڭ ەركەك و دۇنيەلىك بولعان. ايماقتاردى سالىستىرار بولساق، ءولىم-ءجىتىمنىڭ كوپ جاعدايى شىعىس قازاقستاندا (3,3 مىڭ ادام - 2019 -جىلدىڭ العاشقى ءۇش ايىندا 3,7 مىڭ ادام بولعان) تىركەلگەن.
ودان كەيىنگى تىزىمدە الماتى وبلىسى (3,2 مىڭ ادام - 2019 -جىلدىڭ العاشقى ءۇش ايىندا 3,5 مىڭ ادام بولعان) مەن قاراعاندى وبلىسى (3,1 مىڭ ادام - 2019 -جىلدىڭ العاشقى ءۇش ايىندا 3,5 مىڭ ادام بولعان) تۇر»، - دەلىنگەن زەرتتەۋ قورىتىندىسىندا.
جالپى ءولىم-ءجىتىم جاعدايى 17 ايماقتىڭ 13 دە بايقالادى.
4 وڭىردە عانا، اتاپ ايتقاندا ب ق و (%3,4+)، شىمكەنتتە (%2+)، ماڭعىستاۋ وبلىسىندا (%1,3+) جانە ەلوردادا (%0,2+) ازداعان ءوسىم بار.
«ەلدەگى ءولىم-ءجىتىم جاعدايىنىڭ تورتتەن ءبىر بولىگى نەمەسە %23,7 (7,4 مىڭى) قان اينالىمى جۇيەسىندەگى اۋرۋلارعا تيەسىلى. ونىڭ ىشىندە 166 ءولىم گيپەرتونيالىق اۋرۋدان، 2,5 مىڭ جاعداي جۇرەكتىڭ يشەميالىق اۋرۋىنان، 2,7 مىڭى ميدىڭ تامىرلى زاقىمدانۋىنان كەلەدى. ال وقىس وقيعالار مەن ۋلانۋدان، جاراقاتتاردان 2,4 مىڭ ءولىم جاعدايى تىركەلگەن»، - دەلىنگەن زەرتتەۋدە.
اۆتور: ايان بەكەن ۇلى
