جاڭا «7-20-25» باعدارلاماسىن ىسكە اسىراتىن كومپانيانىڭ اتاۋى بەكىتىلدى

استانا. قازاقپارات - ق ر ۇلتتىق بانك ءتوراعاسى دانيار اقىشيەۆ جاڭا يپوتەكالىق كومپانيانىڭ اتاۋىن جاريالادى. اتالعان كومپانيا «7-20-25» مەملەكەتتىك باعدارلاماسىمەن اينالىسادى، دەپ حابارلايدى قازاقپارات ءتىلشىسى.

ق ر ۇلتتىق بانك ءتوراعاسى دانيار اقىشيەۆتىڭ ايتۋىنشا، «7-20-25» مەملەكەتتىك باعدارلاماسى مامىر ايىندا قابىلدانادى. «كۇنى كەشە ۇلتتىق بانكتىڭ باسقارما وتىرىسىندا باعدارلاما وپەراتورىن - ارنايى كومپانيانى قۇرۋ تۋرالى شەشىم ماقۇلداندى. اتالعان يپوتەكالىق كومپانيا «باسپانا» دەپ اتالادى. بانكتەر جاڭا باعدارلامانى ىسكە اسىرۋعا دايىن. ءتارتىپ بويىنشا ەكىنشى دەڭگەيلى بانكتەر حالىققا يپوتەكالىق زايەمداردى بەرەدى. ال ارنايى يپوتەكالىق كومپانيا ول نەسيەلەردى ساتىپ الادى. ءسويتىپ، جىلدىق ۇستەمەاقى 7 پروتسەنتكە تۇسەدى. بارلىق زايەمدار تەڭگەمەن بەرىلەدى»، - دەدى د. اقىشيەۆ.

ونىڭ ءسوزىن قاراعاندا، جاڭا باعدارلاماعا باسپاناسى جوق ازاماتتار عانا قاتىسا الادى. ءبىراق ءاربىر ادامنىڭ تولەم قابىلەتتىلىگىنە باسا نازار اۋدارىلادى.

 ايتا كەتەيىك، قازاقستان حالقى اسسامبلەياسىنىڭ XXⅥسەسسياسىندا ق ر ۇلتتىق بانك ءتوراعاسى دانيار اقىشيەۆ پرەزيدەنتكە «7-20-25» باعدارلاماسى تۋرالى ايتىپ بەردى.

 مەملەكەت باسشىسى اتالعان باستاما اياسىندا ارزان يپوتەكانى الدىمەن جاس وتباسىلارعا بەرۋدى ۇسىندى.

اۆتور: ارمان اسقاروۆ