7-20-25: باعدارلاما اياسىندا 20 مىڭعا جۋىق ادام يپوتەكا راسىمدەگەن

نۇر-سۇلتان. قازاقپارات - «7-20-25» باعدارلاماسى شەڭبەرىندە قارىز بەرۋگە 33005 ءوتىنىم قابىلداندى، دەپ حابارلايدى قازاقپارات ۇلتتىق بانككە سىلتەمە جاساپ.

«7-20-25» باعدارلاماسىن ىسكە اسىرۋ شەڭبەرىندە 2020-جىلعى 18- ماۋسىمداعى جاعداي بويىنشا قارىز الۋعا 378,42 ميلليارد تەڭگە سوماسىنا 33005 ءوتىنىم قابىلداندى. «ناتيجەسىندە 224,12 ميلليارد تەڭگە سوماسىنا قارىز بەرۋگە 19387 ءوتىنىم ماقۇلداندى» دەپ ءمالىم ەتتى قارجى ۇيىمىنىڭ باسپا ءسوز قىزمەتى.

«7-20-25» باعدارلاماسى بويىنشا سۇراق تۋىنداسا، «قازاقستان ورنىقتىلىق قورى» ا ق- نا 87272272025 ءنومىرى بويىنشا تاۋلىك بويى حابارلاسۋعا بولادى. سونىمەن قاتار يپوتەكالىق ۇيىمنىڭ رەسمي ينتەرنەت- رەسۋرسىندا قوسىمشا اقپاراتپەن تانىسا الاسىز.