قازاقستانعا بيداي اكەلۋگە 6 ايعا تىيىم سالىنادى

استانا. قازاقپارات - ەلىمىزگە ەۋرازيالىق ەكونوميكالىق وداق اۋماعىنان اۆتوموبيل جانە تەمىرجول كولىگىمەن بيداي اكەلۋگە تىيىم سالىنادى، دەپ حابارلايدى قازاقپارات ءتىلشىسى.

مۇنداي تىيىم اۋىل شارۋاشىلىعى ءمينيسترىنىڭ اشىق نورماتيۆتىك- قۇقىقتىق اكتىلەر پورتالىندا جاريالانعان بۇيرىعىندا كوزدەلگەن.

«التى اي (ەۋرازيالىق ەكونوميكالىق وداقتىڭ سىرتقى ەكونوميكالىق قىزمەتىنىڭ تاۋار نومەنكلاتۋرالىق كودى: 100119؛ 100199) مەرزىمگە: قازاقستان رەسپۋبليكاسىنىڭ اۋماعىنا ءۇشىنشى ەلدەردەن جانە ەۋرازيالىق ەكونوميكالىق وداق ەلدەرىنەن اۆتوموبيل كولىگىمەن؛ ليتسەنزيالانعان ەليەۆاتورلاردىڭ، استىق وڭدەۋشىلەردىڭ، قۇس شارۋاشىلىعى كاسىپورىندارىنىڭ اتىنا تەمىر جول كولىگىمەن بيداي اكەلۋدى قوسپاعاندا، قازاقستان رەسپۋبليكاسىنىڭ اۋماعىنا ءۇشىنشى ەلدەردەن جانە ەۋرازيالىق ەكونوميكالىق وداق ەلدەرىنەن تەمىر جول كولىگىمەن بيداي اكەلۋگە تىيىم سالۋ ەنگىزىلسىن»، - دەلىنگەن بۇيرىقتا.

قۇجات 4-قىركۇيەككە دەيىن جاريا تالقىلاۋعا شىعارىلىپ وتىر.