سينوپتيكتەر 6 وڭىردە ەسكەرتۋ جاريالادى

استانا. قازاقپارات - «قازگيدرومەت» ر م ك 28- ساۋىردە كۇن رايىنىڭ بۇزىلۋىنا بايلانىستى بىرنەشە وڭىردە ەسكەرتۋ جاريالادى، دەپ حابارلايدى قازاقپارات.

اتاپ ايتقاندا، تۇندە جانە تاڭەرتەڭ ماڭعىستاۋ وبلىسىنىڭ باتىسى مەن وڭتۇستىگىندە تۇمان كۇتىلەدى.

تاڭەرتەڭ جانە كۇندىز قوستاناي وبلىسىنىڭ سولتۇستىگى مەن شىعىسىندا - نايزاعاي، وڭتۇستىگىندە تۇمان بولجانادى. وڭتۇستىك- باتىستان سوعاتىن جەل سولتۇستىك-شىعىسقا اۋىسادى، كۇندىز ءوڭىردىڭ سولتۇستىگى مەن شىعىسىندا ەكپىنى 15-20 م/س قۇرايدى.

جەتىسۋ وبلىسىنىڭ الاكول كولدەرى اۋدانىندا شىعىستان جەل سوعادى ەكپىنى كەي ۋاقىتتاردا 28 م/س جەتۋى ىقتيمال.

كۇندىز سولتۇستىك قازاقستان وبلىسىنىڭ سولتۇستىگى مەن شىعىسىندا نايزاعاي بولادى. تۇندە جانە تاڭەرتەڭ وبلىستىڭ باتىسىندا تۇمان كۇتىلەدى. كۇندىز ءوڭىردىڭ باسىم بولىگىندە جەلدىڭ كۇشى 15-20 م/س قۇرايدى، سولتۇستىگى مەن شىعىسىندا 25 م/س جەتۋى ىقتيمال.

كۇندىز پاۆلودار وبلىسىنىڭ سولتۇستىگىندە وڭتۇستىك-باتىستان جەل سوعادى، ەكپىنى 15-20 م/س قۇرايدى.

كۇندىز تۇركىستان وبلىسىنىڭ تاۋلارىندا نايزاعاي بولجانادى. شىعىستان، وڭتۇستىك-شىعىستان جەل سوعادى، وبلىستىڭ تاۋلى اۋداندارىندا كۇشى 15-20 م/س قۇرايدى.