دارىگەر بۋىن اۋرۋىنىڭ 6 سەبەبىن اتادى

استانا. قازاقپارات - «بۋىندارداعى اۋىرسىنۋدىڭ كوپتەگەن سەبەپتەرى بار، ءبىراق ولاردى شارتتى تۇردە ەكى توپقا بولۋگە بولادى: فيزيكالىق (تابيعي) جانە كلينيكالىق»، - دەيدى ەندوكرينولوگ الەكسەي جيتو.

سونداي- اق، ءتۇرلى اۋرۋمەن جۇقپالى ينفەكسيالار دا بۋىن اۋرۋىن تۋدىرادى.

فيزيكالىق اۋىرتپالىقتار

سپورتپەن سونىڭ ىشىندە اۋىر اتلەتيكامەن كوپ اينالىسساڭىز بۋىندار اۋىرۋى مۇمكىن. بۇل جاعدايدا بۇلشىقەت- بايلانىس اپپاراتىنىڭ شامادان تىس كەرنەۋى بايقالادى، ناتيجەسىندە اۋىرسىنۋ پايدا بولادى. باقىتىمىزعا وراي، بۇل جاعدايدا ىڭعايسىزدىقتان قۇتىلۋ وڭاي: فيزيكالىق بەلسەندىلىكتىڭ قارقىندىلىعىن ازايتۋ كەرەك. ەگەر ودان كەيىن اۋىرسىنۋ كەتپەسە، وندا ءسىز مىندەتتى تۇردە دارىگەرگە بارۋىڭىز كەرەك.

ىڭعايسىز كيىم مەن تار اياق كيىم

بۇل جاعدايدا اۋىرسىنۋ بەلگىلى ىڭعايسىز كيىمدەردەن پايدا بولادى.

«كوبىنەسە، بۇل اياق كيىمگە قاتىستى. اياق كيىم اياقتى قىسادى، سونىڭ سالدارىنان تامىردا قان اينالىمى باياۋلايدى، ناتيجەسىندە اياق اۋىرادى»، - دەيدى ەندوكرينولوگ.

بۋىن جاراقاتتارى

بۋىندارداعى اۋىرسىنۋلار بۋىندى قورشاپ تۇرعان بۇلشىقەتتىڭ زاقىمدالۋىنان پايدا بولۋى مۇمكىن.

«بۇل جاي عانا قۇلاۋ، سوققى، ىڭعايسىز قوزعالىس بولۋى مۇمكىن، وعان ءسىز ءتىپتى ءمان بەرمەيسىز»، - دەيدى دارىگەر.

ادەتتە، زاقىمدالعان بۋىندا ىڭعايسىزدىق سەزىلەدى، ءبىراق كەيدە ول اينالاسىنداعى بۇلشىقەتتەر مەن تىندەرگە تارالۋى مۇمكىن. بۇل جاعدايدا مۇمكىندىگىنشە تەزىرەك دارىگەرگە بارۋ كەرەك.

تەمىر تاپشىلىعى

كوبىنەسە ەگدە جاستاعى ادامدار، ارتىق سالماعى بارلار تەمىر تاپشىلىعىنان زارداپ شەگەدى، ءبىراق جاس ادامدار دا بۇل اۋرۋعا شالدىعۋى مۇمكىن.

تەمىر تاپشىلىعىنا كۇدىكتەنۋگە بولاتىن 10 بەلگى:

• ۇنەمى شارشاۋ؛

• كۇندەلىكتى السىزدىك؛

• باس اينالۋ؛

• باس اۋىرادى؛

• دەنە تەمپەراتۋراسى تومەندەيدى؛

• تەرى سارعايا باستايدى؛

• جۇرەك تەز سوعادى؛

• كەۋدەدەگى اۋىرسىنۋ، ەنتىگۋ (اسىرەسە فيزيكالىق كۇش سالۋ كەزىندە)؛

• تىرناق سىنۋى باستالادى؛

• سالقىن سۋسىندار مەن سالقىن تاعامعا اۋەستەنۋ.

قانت ديابەتى

قانت ديابەتى كەزىندە دە بۋىندار اۋىرادى. تالشىقتى قالپىنا كەلتىرۋ ءۇشىن سىزگە ۆ دارۋمەندەرى، ومەگا-3، ليپوي قىشقىلى قاجەت. ءبىراق ءوزىن-ءوزى ەمدەۋگە بولمايدى! ءدارى-دارمەكتەردى، ءتىپتى دارۋمەندى دە دارىگەر عانا تاعايىنداي الادى.

جەدەل ينفەكسيالار

ەڭ كوپ تارالعان ءتۇرى – ج ر ۆ ي. كوپتەگەن پاتسيەنت بۋىنداردىڭ اۋىرسىنۋىنا شاعىمدانادى. بۇل ۆيرۋستار مەن باكتەريالاردىڭ تارالۋى كەزىندە دەنەنىڭ ۋلانۋىمەن بايلانىستى، سونىمەن قاتار قابىنۋ پروتسەسىنىڭ دامۋىن ەسكەرگەن ءجون.

«دەنە قىزۋى كوتەرىلىپ، باس اۋرۋى پايدا بولسا، دەنەدەگى اۋىرسىنۋلار كۇشەيەدى. بۇعان جول بەرمەۋ ءۇشىن توسەكتە جاتىڭىز. كەيدە ج ر ۆ ي كەزىندە ۇيدە بولعان دۇرىس نەمەسە دارىگەر شاقىرۋ كەرەك»، - دەيدى الەكسەي جيتو.

ماسساگەت