تۇمان، جاڭبىر: سينوپتيكتەر 6 وڭىردە ەسكەرتۋ جاريالادى
31-قاڭتاردا جامبىل وبلىسىنىڭ وڭتۇستىگى مەن باتىسىندا، تاۋلى، تاۋ بوكتەرىندەگى اۋدانداردا تۇمان، كوكتايعاق كۇتىلەدى. وڭتۇستىك- شىعىستان جەل سوعادى، تاۋلى اۋدانداردا ەكپىنى 15-20 م/س قۇرايدى. 2-3-اقپاندا جامبىل وبلىسىنىڭ باتىسىندا، وڭتۇستىگىندە، تاۋلى جانە تاۋ بوكتەرىندەگى اۋدانداردا قاتتى جاۋىن-شاشىن (جاڭبىر، قار) كۇتىلەدى. سونداي-اق تۇمان، كوكتايعاق بولجانادى. 3-اقپاندا جەلدىڭ ەكپىنى 23-28 م/س جەتۋى ىقتيمال. 1-3-اقپاندا كۇندىز اۋا تەمپەراتۋراسى 5-10 گرادۋس جىلىعا، وبلىستىڭ سولتۇستىگى مەن تاۋلى اۋداندارىندا 0-5 گرادۋس ايازعا دەيىن كوتەرىلەدى.
31-قاڭتاردا جەتىسۋ وبلىسىنىڭ الاكول كولدەرى اۋدانىندا وڭتۇستىك- شىعىستان جەل كۇتىلەدى، ەكپىنى 15-20 م/س، كەي ۋاقىتتا 25 م/س جەتەدى. 1-اقپاندا وڭتۇستىكتە، شىعىستا، تاۋلى اۋدانداردا جاۋىن- شاشىن بولادى. 2-3-اقپاندا وبلىستىڭ باسىم بولىگىندە جاۋىن-شاشىن (جاڭبىر، قار)، كۇندىز 3-اقپاندا تاۋلى اۋدانداردا قاتتى جاۋىن-شاشىن (كوبىنەسە جاڭبىر) كۇتىلەدى. ءوڭىردىڭ تاۋلى اۋداندارىن تۇمان باسادى. سولتۇستىك- شىعىستان سوققان جەل وڭتۇستىك- باتىسقا اۋىسىپ، كۇشى 9-14 م/س قۇرايدى. ەكپىنى 15-20 م/س جەتۋى ىقتيمال. الاكول كولدەرى اۋماعىندا جەلدىڭ جىلدامدىعى 23-28 م/س جەتۋى مۇمكىن. 2-3-اقپاندا كۇندىز اۋا تەمپەراتۋراسى 2-7 گرادۋس جىلىعا دەيىن كوتەرىلەدى.
31-قاڭتاردا تۇركىستان وبلىسىنىڭ وڭتۇستىگى مەن باتىسىندا، تاۋلى، تاۋ بوكتەرىندەگى اۋدانداردا تۇمان بولجانادى. وڭتۇستىك- شىعىستان جەل سوعادى، تاۋ اسۋلارىندا كۇشى 15-20 م/س قۇرايدى.
31-قاڭتاردا شىمكەنت قالاسىندا تۇندە تۇمان كۇتىلەدى.
31-قاڭتاردا قىزىلوردا وبلىسىنىڭ وڭتۇستىگىندە تۇماندى بولادى.
31-قاڭتاردا تۇندە جانە تاڭەرتەڭ باتىس قازاقستان وبلىسىنىڭ وڭتۇستىك- باتىسىندا تۇمان بولجانادى.
1-3-اقپاندا قىزىلوردا، تۇركىستان، جامبىل، الماتى جانە جەتىسۋ وبلىستارىندا جاڭبىر مەن قار ارالاس جاڭبىر جاۋىپ، تەمپەراتۋرالىق فون جوعارىلايدى. وسىعان بايلانىستى قار جىلدام ەرىپ، ەرىگەن قار سۋى قالىپتاسادى، بەتكەيلەردەن سۋ اعىپ، وزەن-كولدەردە مۇز السىرەيدى، سۋ دەڭگەيى كوتەرىلەدى دەپ كۇتىلەدى.
