ۇيىقتار الدىندا نە جەۋگە بولادى: پايدالى 6 تاعام

استانا. قازاقپارات - ۇيىقتار الدىندا تاماقتانۋ دۇرىس ەمەس ەكەنىن تۇسىنسەك تە، كوپشىلىگىمىز وسىلاي ىستەيمىز.

تۇندە تاماق جەۋگە بولا ما، جوق پا؟ بۇل ماسەلە توڭىرەگىندەگى داۋ- داماي ەشقاشان باسىلمايتىن شىعار. تۇنگى تاماقتى ۇيقىعا دەيىن ەكى ساعات بۇرىن جەۋ كەرەك دەپ ەسەپتەلەدى. الايدا، مۇنداي ءتارتىپتى ۇستانۋ ءارقاشان مۇمكىن ەمەس. ەگەر ءسىز كەش جۇمىس ىستەسەڭىز نەمەسە كۇندىز دۇرىس تاماقتانۋعا ۋاقىتىڭىز بولماسا، كەشكى اس ىشەسىز.

بۇل تۇندە مەتابوليزمنىڭ باياۋلاۋىنا بايلانىستى جەگەن تاعام بىردەن مايعا اينالادى دەگەندى بىلدىرمەيدى. شىن مانىندە، ءبىز ۇيىقتاپ جاتقاندا مەتابوليزم ورتا ەسەپپەن %15 عا تومەندەيدى. كۇندەلىكتى كالوريا مولشەرىندە قالىپ، مودەراتسيانى قولدانىپ، دۇرىس تاعامداردى تاڭداساڭىز، كەشكى اس زيان تيگىزبەيدى. ارتىق سالماق قوسپاۋ ءۇشىن ۇيىقتار الدىندا نە جەۋگە بولادى؟ مۇنى انىقتاۋعا تەراپيەۆت، ديەتولوگ ەكاتەرينا كورسيەۆا كومەكتەسەدى.

از جەۋ - جاقسى

كەش تاماقتانۋدىڭ نەگىزگى ەرەجەسى - ارتىق تاماقتانباۋ، سوندا عانا اسقازانىڭىزدا اۋىرلىق سەزىنبەيسىز. سونىمەن قاتار، ءىش قاتۋ سياقتى جاعىمسىز جاناما اسەر ەتپەيتىن ونىمدەردى تاڭداۋ ماڭىزدى.

ءبىز ديەتولوگتار كەشكە تۇتىنۋعا ۇسىناتىن تاعامداردىڭ ءتىزىمىن جاسادىق. ءبىراق مۇمكىن بولسا، ءتىپتى بۇل ونىمدەردى ۇيىقتار الدىندا بىردەن ەمەس، كەم دەگەندە ءبىر- ەكى ساعات بۇرىن جەۋگە تىرىسىڭىز. بۇل اسىرەسە تۇنگى اۋىسىمدا جۇمىس ىستەيتىن نەمەسە جۇمىستان كەش كەلەتىندەر ءۇشىن وتە ماڭىزدى.

جۇمىرتقا

جۇمىرتقا - قورەكتىك زاتتاردىڭ جاقسى بالانسى بار قاناعاتتانارلىق تاعام. ەكى ورتاشا تاۋىق جۇمىرتقاسىنىڭ كالوريا مولشەرى 130 ككال- دان اسپايدى. ولار جاقسى قورىتىلادى جانە جەتكىلىكتى ۇزاق ۋاقىت بويى توقتىق سەزىمىن بەرەدى.

كەشكى اسقا قايناتىلعان جۇمىرتقا نەمەسە وملەت جاقسىراق. قالاساڭىز، ءسىز تەك اقۋىزداردى پايدالانا الاسىز: بۇل تاعامنىڭ كالورياسىن ازايتادى. ءبىراق كەشكى اسقا قۋىرىلعان جۇمىرتقانى تاڭداۋ ءقاۋىپتى، ول اس قورىتۋداعى اۋىرتپالىقتى كۇرت ارتتىرادى.

ەت نەمەسە مايسىز قۇس ەتى

ۇيىقتار الدىندا جەڭىل تاعامنىڭ تاعى ءبىر ءتۇرى - تاۋىق ەتى. قۇس ەتىنىڭ كالورياسى تومەن، ءبىراق ول اشتىقتى جاقسى قاناعاتتاندىرادى. نەمەسە مايسىز سيىر ەتىن تاڭداۋعا بولادى. سيىر ەتى اۋىر تاعام، سوندىقتان از مولشەرمەن شەكتەگەن دۇرىس.

مايسىز اق بالىق

كەشكى اسقا اق مايسىز بالىقتى تاڭداعان دۇرىس. اس قورىتۋ وڭايىراق جانە حولەستەرين دەڭگەيىن تومەندەتۋگە كومەكتەسەدى. ەڭ باستىسى - مايعا قۋىرماۋ كەرەك. ونىڭ ورنىنا بالىقتى بۋمەن پىسىرگەن نەمەسە گريلدە پىسىرگەن دۇرىس. مۇنداي تاعامدا تەك 80-120 ككال بولادى.

جاڭعاقتار

جاڭعاقتار كالوريالىلىعىمەن جانە مايلىلىعىمەن تانىمال. ءبىراق سونىمەن بىرگە ولار اشتىقتى وتە جاقسى قاناعاتتاندىرادى. سونىمەن قاتار، گرەك جاڭعاعىنىڭ قۇرامىندا ۇيقىنى جاقسارتاتىن مەلاتونين گورمونى بار. ال بادام مەن كەشيۋ ماگنييگە باي، ول ۇيىقتار الدىندا دەمالۋعا كومەكتەسەدى.

كوكونىستەر مەن جەمىستەر

جاڭا پىسكەن نەمەسە بۇقتىرىلعان كوكونىستەر كەشكى استىڭ ورنىن باسا الادى. ولاردىڭ قۇرامىندا كوپتەگەن دارۋمەن مەن مينەرالدار بار، ءبىراق ولار تولىعىمەن كالورياسىز. كراحمالدى ەمەس كوكونىستەر - بالدىركوك، بروككولي، قيار ت. ب تاڭداۋ كەرەك.

ۇيىقتار الدىندا قىزاناق جەمەگەن دۇرىس. بۇل ءونىم كومىرسۋلارعا باي، سونىمەن قاتار بۇيرەكتى ىنتالاندىرادى جانە تۇندە دارەتحاناعا ءجيى بارۋعا اكەلۋى مۇمكىن.

سۇزبە، ايران جانە يوگۋرت

سۇزبە جانە باسقا دا ءسۇت ونىمدەرى ەڭ تانىمال تۇنگى تاعامدار بولۋى مۇمكىن. دەگەنمەن، بارلىق ديەتولوگتار بۇل پىكىردى قولدامايدى. ەگەر سىزدە سالماق جوعالتۋ مىندەتى بولماسا، تۇندە «قىشقىل ءسۇتتى» جەۋگە بولادى. ءبىراق ديەتادا بولساڭىز، باسقا تاعامداردى تاڭداعان دۇرىس. ويتكەنى، مۇنداي ونىمدەردە ينسۋليننىڭ جوعارى يندەكسى بار.

ءوز كەزەگىندە ينسۋلين ءوسۋ گورمونىنىڭ ءوندىرىسىن بلوكتايدى. بۇل گورمون ۇيقى كەزىندە پايدا بولادى جانە ماي ءتىنىن جاعۋعا كومەكتەسەدى. تۇندە سۇزبە جەسەڭىز، دەنەگە تابيعي مايدى جاعۋ فۋنكسياسىن ورىنداۋعا مۇمكىندىك بەرمەيسىز. سونداي-اق ءسۇت ونىمدەرىندە ءسۇت قانتىنىڭ بولۋىنا بايلانىستى دەنە ءىسىنۋى ىقتيمالدىعى ارتادى. ويتكەنى، ناتريي عانا ەمەس، كومىرسۋلار دا اعزاداعى ارتىق سۋدى ۇستاپ تۇرۋعا قابىلەتتى. سوندىقتان تۇندە كەز- كەلگەن تاعامدارعا تۇز بەن قانت قوسۋعا بولمايتىنىن ۇمىتپاڭىز.

massaget.kz