دەنساۋلىق ساقتاۋ سالاسىنىڭ جاعدايى كۇردەلى 6 ايماق بار - اجار عينيات
بۇل تۋرالى ق ر دەنساۋلىق ساقتاۋ مينيسترلىگىنىڭ Facebook پاراقشاسىنان ءمالىم بولدى، دەپ حابارلايدى قازاقپارات.
جىل سايىن مەديتسينالىق كومەك ساپاسىنا قاتىستى 5,6 مىڭنان اسا ارىز تىركەلەدى. بيىل ءبىرىنشى جارتىجىلدىقتا وسىنداي 2,8 مىڭ ارىز-شاعىم كەلىپ تۇسكەن. بۇل رەتتە %30 دان اسا جاعدايدا فاكتىلەر ناقتىلانادى. وكىنىشكە قاراي، جاعداي جاقسى جاعىنا وزگەرىپ جاتقان جوق.
«ءبىرقاتار ءوڭىر مەديتسينا قىزمەتكەرلەرىنىڭ ءوز قىزمەتتىك مىندەتتەرىن ورىنداۋعا سالعىرت قاراۋى جانە مەديتسينالىق ۇيىمداردىڭ مەنەدجەمەنتى ناشار ۇيىمداستىرىلعانى بايقالادى»، - دەپ اتاپ ءوتتى ءوز سوزىندە دەنساۋلىق ساقتاۋ ءمينيسترى.
مينيستر مەديتسينالىق كومەك كورسەتۋ ەرەجەلەرى مەن ستاندارتتارىن بۇزۋ جاپپاي سيپات الىپ بارا جاتقانىنا نازار اۋداردى.
اعىمداعى جىلدىڭ 6 ايىندا وسى تەكتەس 500 دەن اسا جاعداي تىركەلگەن. سونداي-اق مەديتسينالىق جانە فارماتسيەۆتيكالىق باقىلاۋ كوميتەتى كوبىنەسە جاعىمسىز جايتتارعا اكەلىپ سوعاتىن كلينيكالىق حاتتامالاردان نەگىزسىز اۋىتقۋعا قاتىستى 1600 دەن اسا فاكتىنى انىقتادى.
وسىلايشا، مينيستر اتاپ وتكەندەي، كوميتەتكە كەلىپ تۇسكەن ورىندى شاعىمدار بويىنشا ايماقتاردى سارالاۋ ناتيجەسىندە دەنساۋلىق ساقتاۋ سالاسىنداعى احۋال ءماز ەمەس 6 ايماق انىقتالدى.
ولار: كەلىپ تۇسكەن شاعىمداردىڭ %59 ناقتىلانعان پاۆلودار وبلىسى (1№ قالالىق اۋرۋحانا، ەكىباستۇز قالالىق اۋرۋحاناسى، پاۆلودار قالاسىنداعى 3№ ەمحانا). ودان كەيىنگى شاعىم كوپ تۇسەتىن ايماقتار: الماتى وبلىسى (ىلە، تالعار اۋدانىنىڭ ورتالىق اۋرۋحاناسى، قاراساي اۋدانىنداعى اۋدانارالىق كوپبەيىندى اۋرۋحانا) - %56,3، جامبىل وبلىسى (بايزاق، جامبىل اۋداندىق ورتالىق اۋرۋحاناسى، 5№، 8№ قالالىق ەمحانالار، شۋ قالاسىنىڭ ەمحاناسى) - %51، قىزىلوردا وبلىسى (كوپبەيىندى قالالىق اۋرۋحانا، شيەلى جانە جاڭاقورعانداعى اۋدانارالىق اۋرۋحانا، №3 قالالىق اۋرۋحانا) - %44,4، الماتى قالاسى (4№ قالالىق اۋرۋحانا) - %35,7، ماڭعىستاۋ وبلىسى (بەينەۋ اۋداندىق ورتالىق اۋرۋحاناسى) - %31,3.
