قازاق تىلىندەگى 6 مىڭ تەرمينگە ساراپتاما جاسالماق

نۇر- سۇلتان. قازاقپارات - بيىل قوعامدىق- گۋمانيتارلىق باعىتتاعى 6 مىڭ تەرمينگە ساراپتاما جاسالادى. بۇل جايىندا سەنات دەپۋتاتتارىنىڭ ساۋالىنا بەرىلگەن ق ر پرەمەر- ءمينيسترىنىڭ ورىنباسارى ەرالى توعجانوۆتىڭ جاۋابىندا ايتىلعان، دەپ حابارلايدى قازاقپارات ءتىلشىسى.
None
None

«قازاق ءتىلىنىڭ تەرمينولوگيالىق بازاسىن جەتىلدىرۋ بويىنشا جۇمىستار جۇرگىزىلىپ جاتىر. جالپى 1971 -جىلدان بەرى 31611 تەرمينگە لينگۆيستيكالىق ساراپتاما جاسالعان. بيىل قوعامدىق- گۋمانيتارلىق باعىتتاعى 6 مىڭ تەرمينگە ساراپتاما جاساۋ جوسپارلانۋدا. جاڭا تەرميندەردى بىرىزدەندىرۋ ماقساتىندا «Termincom.kz» قىزمەت ەتەدى. ماقۇلداۋعا ۇسىنىلعان سالالىق تەرميندەردى تەك كوميسسيا مۇشەلەرى عانا ەمەس، سالا ماماندارى مەن جالپى جۇرتشىلىق تالقىلايدى»، - دەپ اتاپ وتەدى ۆيتسە- پرەمەر.

ەرالى توعجانوۆ قازاق ءتىلىن ۇلتارالىق قاتىناستار تىلىنە اينالدىرۋ ماقساتىندا جىل سايىن وقىتۋ كۋرستارى مەن ءتۇرلى بايقاۋلار، ىنتالاندىرۋ ءىس- شارالارى ۇيىمداستىرىلىپ كەلە جاتقانىن ايتادى. «سونىمەن قاتار قازاق ءتىلى ۇلتتىق كورپۋسىنىڭ ماتىندىك بازاسىن قۇرۋ جۇمىسى قولعا الىندى. 2021 -جىلى پۋبليتسيستيكالىق ماتىندەردەردىڭ 2 ميلليون بىرلىگىنە تالداۋ جاسالىپ، qazcorpora.kz سايتىنا ورنالاستىرىلدى»، - دەلىنگەن ۇكىمەت باسشىسىنىڭ ورىنباسارىنىڭ جاۋابىندا.

اۆتور: مارلان جيەمباي


سوڭعى جاڭالىقتار