باقىتتى ءومىردىڭ 6 ەرەجەسى

نۇر-سۇلتان. قازاقپارات - ومىرىمىزدە ورىن العان ساتسىزدىكتەردى ءتۇرلى جاعدايلاردىڭ توعىسۋىنان، قورشاعان ادامداردان نەمەسە تاعدىردان كورگەندى جاقسى كورەمىز، الايدا جەكە ءومىرىمىزدىڭ باقىتتى نەمەسە باقىتسىز بولۋىن كۇندەلىكتى تاڭداۋ جاساۋ ارقىلى ءوزىمىز شەشەمىز.
None
None

Бақытты өмірдің 6 ережесі

ەگەر ومىردە كوپ نارسەگە قول جەتكىزگىڭىز كەلسە جانە ونى وزگەرتكىڭىز كەلسە، قانداي تاڭداۋ جاساعان ءجون؟

موتيۆاتسيا بەرەتىن كەزەكتى ماقالانى نەمەسە كىتاپتى وقىپ الىپ، ۇنەمى جەتىلۋ، جاڭا بەلەستەردى باعىندىرۋ نەمەسە مانساپ باسپالداعىمەن كوتەرىلۋدىڭ قانداي كەرەمەت ەكەنىن ايتىپ باستايمىز.

وكىنىشكە وراي، كوپ جاعدايدا ءبارى تەك اڭگىمە كۇيىندە قالادى، تەك ساناۋلى ادامدار عانا وقىعانى بويىنشا ءجۇرىپ، ءوزىن جاقسى جاعىنا وزگەرتۋگە تىرىسادى. ءوزىڭىزدى قولعا الۋعا تىرىسىڭىز، جالقاۋلىقتى ۇمىتىڭىز جانە كۇندە وزىڭىزگە پايدالى بىردەڭە ىستەڭىز.

مىسالى، فيزيكالىق جاتتىعۋلارمەن (فيتنەس، يوگا، جۇگىرۋ، ءجۇزۋ) اينالىسىڭىز، بولاشاققا اقشا جيناڭىز، ايىنا بىرنەشە دامىتۋشى كىتاپ وقىڭىز، شىنايى قۋانىش سىيلايتىن اۋەسقويلىق تابىڭىز جانە كوبىرەك ادامدارمەن ارالاسىڭىز.

ادامدارعا دەگەن مەيىرىمدى قاتىناستى تاڭداڭىز

ءبىزدىڭ ومىرلىك جولىمىزدا ءتۇرلى ادامدار كەزدەسەدى. بىرەۋ ءوز كۇشىمىزگە سەنۋگە كومەكتەسەدى، بىرەۋ جاڭا نارسەگە ۇيرەتەدى، بىرەۋ قيىن كەزەڭدە قولداي بىلەدى، ال بىرەۋلەر كورە المايدى جانە رەنجىتەدى. بىرەۋگە قانشالىقتى رەنجىسەڭىز دە، جاماندىققا جاماندىقپەن جاۋاپ بەرمەي-اق قويىڭىز.

سىزگە وتىرىك ايتىپ تۇرسا دا، ءسىز شىندىقتى ايتىڭىز. ءسىزدى الداۋعا تىرىسسا دا، ءسىز ەرەجە بويىنشا ويناڭىز. ءسىز تۋرالى وسەك تاراتسا دا، بىرەۋدى وسەكتەيتىن دارەجەگە تۇسپەڭىز. ءارقاشان ءوزىڭىزدىڭ مەيىرىمدى ەكەنىڭىزدى ۇمىتپاڭىز. مەيىرىمدىلىك جاماندىقتى جەڭەتىنىنە سەنىڭىز. ناتيجەسىندە، ءسىزدى رەنجىتۋگە تىرىسقان ادام ەمەس، ءسىز باقىتتى بولاسىز. سەبەبى، تىنىش ۇيقى مەن تازا ار-ۇجدانعا جەتەتىن ەشتەڭە جوق.

زياندى ادەتتەرسىز ءومىردى تاڭداڭىز

ءسىزدىڭ دەنساۋلىعىڭىزعا جانە جالپى ومىرىڭىزگە زيان كەلتىرىپ جاتقان زياندى ادەتتەردەن ارىلۋ ءۇشىن الدىمەن ولاردى قويۋ جايلى ناقتى شەشىم قابىلداۋ كەرەك. ەرتەڭ، دۇيسەنبى نەمەسە جاڭا جىلدان كەيىن ەمەس، ءدال بۇگىن باستاڭىز. ءوزىڭىزدى قولعا الىپ، «مەن بۇگىننەن باستاپ تەمەكى تارتپايمىن/الكوگول ىشپەيمىن/دۇرىس تاماقتانامىن/تۇنگى ۇيقىنى دۇرىستايمىن» دەڭىز.

بىردەن بارلىق زياندى ادەتتەردەن ارىلۋعا تىرىسپاڭىز. بىرەۋىنەن باستاڭىز. ارتىق سالماقتان ارىلعىڭىز كەلە ما؟ جاتتىعۋ زالىنا بارىڭىز. اسقازانىڭىز اۋىرا ما؟ دۇرىس تاماقتانىپ باستاڭىز. قارىزىڭىز كوبەيىپ كەتتى مە؟ بارلىق قارىزدان قۇتىلۋ ءۇشىن از-ازدان اقشا جيناپ باستاڭىز. ارى قاراي ءبارى بىرتىندەپ وزگەرە باستايدى.

جۇمىستا جيناقىلىقتى تاڭداڭىز

تاپسىرمالاردىڭ كوپتىگىنەن عانا جۇمىستا شارشايمىن دەپ ويلاساڭىز، قاتەلەسەسىز. جۇمىس پروتسەسىن دۇرىس ۇيىمداستىرا الماۋىڭىز دا مۇمكىن. نەنى دۇرىس ىستەمەيتىنىڭىزدى ءتۇسىنۋ ءۇشىن وتىرىپ، اناليز جۇرگىزىڭىز: ورىنداۋ قاجەت تاپسىرمالارعا قانشا ۋاقىت جۇمسايسىز؟ ەگەر ءوز جۇمىسىڭىزدى ءتيىمدى ۇيىمداستىرعىڭىز كەلسە، كۇندە تاڭەرتەڭ سول كۇنى ورىنداۋىڭىز قاجەت تاپسىرمالار ءتىزىمىن قۇرىڭىز. نەگىزگىلەرىن ءبىر تۇسپەن، اسىعىس ەمەستەرىن باسقا تۇسپەن بوياڭىز. جۇمىس ۋاقىتىن دۇرىس پايدالانۋدى ۇيرەنىپ، قاجەت ەمەس زاتتارعا ۋاقىت بولمەسەڭىز، ءبىراز بوس ۋاقىت قالاتىنىن تۇسىنەسىز. سول كەزدە جۇمىستان ۋاقىتىندا شىعاسىز، اياقتالماعان تاپسىرمالاردى ۇيگە الىپ كەلمەيسىز، حوببيىڭىزگە ۋاقىت قالادى جانە تۋعاندارىڭىزبەن نەمەسە دوستارىڭىزبەن كوبىرەك ارالاساسىز.

جۇمىسقا دۇرىس قاتىناستى تاڭداڭىز

ەگەر جۇمىسقا تەك اقشا تابۋ قۇرالى رەتىندە قاراساڭىز، ۇلكەن قاتەلىك جىبەرەسىز. ول تۋرالى باسقا جاعىنان ويلانىپ كورىڭىز: قاي جەردە ەڭبەكتەنسەڭىز دە، نەمەن اينالىسساڭىز دا، ءسىزدىڭ جۇمىسىڭىز باسقا ادامدارعا پايدا اكەلۋ. اينالاڭىزداعىلارعا كومەكتەسۋگە بارىنشا تىرىسساڭىز، ءوز مىندەتتەرىڭىزدەن ءلاززات الاسىز.

رۋحاني، ەموتسيالىق جانە فيزيكالىق دەنساۋلىقتىڭ اراسىنداعى تەپە-تەڭدىكتى تاڭداڭىز

باقىتتى ادامنىڭ ءومىرى رۋحاني، ەموتسيالىق جانە فيزيكالىق ساۋلىققا نەگىزدەلەدى. وسى ءۇش قۇراۋىش تا تەپە-تەڭدىكتە بولعاندا عانا ءار كۇننەن راحات الا الاسىز. سوندىقتان، رۋحاني دامۋعا تىرىسىڭىز، ءبىراق فيزيكالىق دايىندىق پەن ەموتسيالىق جاعدايعا ۋاقىت ءبولۋدى دە ۇمىتپاڭىز.

ۇيدە تۋعاندارىڭىز بەن جاقىندارىڭىزدىڭ قاسىندا تاماقتانۋدى تاڭداڭىز

وتباسى — ءار ادامنىڭ ومىرىندەگى ەڭ ماڭىزدى نارسە. مانساپ جاقىن ادامدارىڭىز سىيلاي الاتىن جىلۋلىقتى بەرە المايدى. سوندىقتان ولارمەن كوپ ۋاقىت وتكىزۋگە تىرىسىڭىز. اتا-اناڭىزدىڭ ۇيىنە ءجيى بارىپ تۇرىڭىز، سەرىگىڭىزبەن جانە بالالارىڭىزبەن كەشكى استى بىرگە ءىشىڭىز، بوس ۋاقىتىڭىزدا دوستارىڭىزبەن سەرۋەندەڭىز. ولار سىزگە ءومىرىڭىزدى باقىتتى ەتەتىن كەرەمەت ساتتەر سىيلايدى. بۇل تاڭداۋىڭىز ءۇشىن ەشقاشان وكىنبەيسىز.

massaget.kz

سوڭعى جاڭالىقتار