قاراعاندىلىق سپورتشى جۇزۋدەن ەل چەمپيوناتىندا 6 مەدال جەڭىپ الدى
جالپى قاراعاندى وبلىسىنىڭ كومانداسى ءۇش التىن، جەتى كۇمىس جانە ءبىر قولا جۇلدە يەلەندى، دەپ حابارلادى قازاقپارات ءتىلشىسى.
رەسپۋبليكالىق بىرىنشىلىك اقتوبەدە ءوتتى. وعان قاتىسۋ ءۇشىن ەلىمىزدىڭ بارلىق وڭىرىنەن 415 مىقتى سپورتشى جينالدى.
«ءا. مولداعۇلوۆا اتىنداعى وليمپيادا رەزەرۆىنىڭ مەكتەپ-ينتەرنات-كوللەدجىنىڭ تاربيەلەنۋشىسى كسەنيا يگناتوۆا بارلىق ساناتتار بويىنشا التى مەدال جەڭىپ الدى. ءبىرىنشى ورىن - ارقامەن 100 جانە 200 م ءجۇزۋ، ەكىنشى ورىن - ارقامەن 50 م ءجۇزۋ، ءۇشىنشى ورىن - ءۇش ەستافەتا. ناتيجەسىندە قاراعاندىلىق سپورتشى 18- ماۋسىم مەن 3- شىلدە ارالىعىندا بۋداپەشتتە (ۆەنگريا) وتەتىن سۋ سپورتى تۇرلەرىنەن 2022-جىلعى الەم چەمپيوناتىنا جولداما الدى»، - دەيدى قاراعاندى وبلىسىنىڭ دەنە شىنىقتىرۋ جانە سپورت باسقارماسى.
تاعى ءبىر ءبىرىنشى ورىندى جوعارى سپورت شەبەرلىگى مەكتەبىنىڭ وكىلى دانيەل گالۆا (ارقامەن ءجۇزۋ 200 م) الدى.
