07:38, 13 - تامىز 2021 | GMT +5
جىلقى الامىن دەپ 6 ميلليون تەڭگەسىنەن ايىرىلدى
وسكەمەن. قازاقپارات - شىعىس قازاقستان وبلىسى زايسان قالاسىندا 20 جىلقى ساتىپ الماق بولعان ەر ادام الاياققا 6 ميلليون تەڭگەدەن استام اقشا بەرگەن، دەپ حابارلايدى قازاقپارات ءتىلشىسى.
ش ق و پوليتسيا دەپارتامەنتى باسپا ءسوز قىزمەتىنىڭ مالىمەتىنە سۇيەنسەك، اۋداندىق پوليتسيا بولىمىنە جۇگىنگەن ازامات الاياقتىڭ قۇربانى بولعانىن جەتكىزدى. 20 جىلقى ساتىپ الماق بولعان ول بەيتانىس بىرەۋگە 6200000 تەڭگە بەرگەن.
«جەدەل- ىزدەستىرۋ شارالارىن جۇرگىزگەن ءتارتىپ ساقشىلارى 28 جاستاعى كۇدىكتىنى ۇستادى. زايسان قالاسىنىڭ تۇرعىنى ءوز كىناسىن مويىنداپ وتىر. قازىرگى ۋاقىتتا ول ۋاقىتشا ۇستاۋ يزولياتورىنا قاماۋعا الىنعان»، - دەپ حابارلادى ۆەدومستۆو وكىلدەرى.
پوليتسيا قىزمەتكەرلەرى ق ر قىلمىستىق كودەكسىنىڭ 190-بابى 3-بولىگىنىڭ 1-تارماعىمەن (الاياقتىق) سوتقا دەيىنگى تەرگەۋ امالدارىن باستادى. كۇدىكتى جەتى جىلعا دەيىنگى مەرزىمگە باس بوستاندىعىنان ايىرىلۋى مۇمكىن.
