كوروناۆيرۋس: قازاقستان عالىمدارى پ ت ر- تەستتى نەبارى 6 كۇندە دايىنداعان
بۇل تۋرالى بۇگىن ۇكىمەت وتىرىسىندا ق ر ءبىلىم جانە عىلىم ءمينيسترى اسحات ايماعامبەتوۆ ايتتى، دەپ حابارلايدى قازاقپارات ءتىلشىسى.
«قازاقستاندا بيولوگيالىق قاۋىپسىزدىك جانە بيوتەحنولوگيالار سالاسى بويىنشا عىلىمي-زەرتتەۋلەر جۇيەلى تۇردە جۇرگىزىلىپ جاتىر. وسى ماسەلەمەن جالپى 12 عىلىمي ۇيىم اينالىسادى. وندا 4,5 مىڭعا جۋىق قىزمەتكەر جۇمىس ىستەيدى، ونىڭ 1300 ءى عىلىمي اتاعى بار قىزمەتكەرلەر. «بولاشاق» باعدارلاماسىنىڭ 157 ستيپەندياتى بيوتەحنولوگيا، گەنەتيكا جانە ۆيرۋسولوگيا باعىتتارى بويىنشا الەمنىڭ ۇزدىك ۋنيۆەرسيتەتتەرىندە ءبىلىم الدى. سونىمەن قاتار قازىرگى ۋاقىتتا 4,5 مىڭعا جۋىق باكالاۆر، 300 گە جۋىق ماگيسترانت، 59 دوكتورانت ەلىمىزدىڭ 19 جوعارى وقۋ ورنىندا ءبىلىم الۋدا»، - دەدى ول.
وسى رەتتە مينيستر ەلىمىزدىڭ 2 عىلىمي مەكەمەسىنە قىسقاشا توقتالىپ ءوتتى. ونىڭ ءبىرى - ۇلتتىق بيوتەحنولوگيا ورتالىعى. سەرتيفيكاتتالعان 25 عىلىمي زەرتحاناسى بار ورتالىقتا بىلىكتى قىزمەتكەرلەر جۇمىس جاسايدى.
«پاندەميانىڭ باسىندا تەست جۇيەلەرى ەلىمىزگە جەتكىزىلمەي تۇرعاندا وسى ۇيىمنىڭ عالىمدارى نەبارى 6 كۇننىڭ ىشىندە SARS- CoV-2 كوروناۆيرۋستىڭ ءتىرى شتامىنسىز جاساندى سينتەز ارقىلى جاڭا كوروناۆيرۋستىڭ بار- جوعىن انىقتايتىن سەنىمدى پ ت ر- تەست جۇيەسىن ازىرلەدى. سونىڭ ارقاسىندا ىندەتتىڭ ءبىرىنشى كۇندەرى وسى تەستىلەۋ جۇيەسىمەن جالپى دياگنوستيكا ىسكە اسىرىلدى. دەنساۋلىق ساقتاۋ ميينيسترلىگىنىڭ تاپسىرماسىمەن ورتالىق قازىرگى ۋاقىتتا 11 پ ت ر- تەست جۇيەسىن ازىرلەپ بەردى»، - دەدى اسحات ايماعامبەتوۆ.
مينيستر توقتالعان ەكىنشى مەكەمە بيوتەحنولوگيالىق قاۋىپسىزدىك پروبلەمالارىن عىلىمي-زەرتتەۋ ينستيتۋتى بولدى.
«بۇل ينستيتۋت 1958-جىلدان بەرى جۇمىس ىستەپ كەلەدى. 13 بيولوگيالىق قاۋىپسىزدىك زەرتحاناسىندا ءقاۋىپتى ينفەكتسيالارمەن جۇمىس ىستەيتىن ەلىمىزدەگى جەتەكشى عالىمدار توپتاستىرىلعان. جالپى ءقاۋىپتى جانە اسا قاۋىپتى جۇمىستاردىڭ بارلىق ءتۇرى قاۋىپسىزدىكتىڭ ءۇشىنشى دەڭگەيىمەن قامتىلعان. ينستيتۋت اسا قاۋىپتى ينفەكتسيالارعا قارسى ۆاكتسينالاردى ازىرلەۋ بويىنشا دۇنيەجۇزىلىك دەنساۋلىق ساقتاۋ ۇيىمىمەن كەلىسىمشارت جاساسقان جانە جۇمىس اتقارادى. ينستيتۋت زەرتتەۋلەرى نەگىزىنەن مەديتسينا مەن اۋىل شارۋاشىلىعىنا ارنالعان ۆاكتسينالاردىڭ جاڭا تۇرلەرىن ازىرلەۋگە، يممۋنو- بيولوگيالىق پرەپاراتتاردى وندىرۋگە، ءقاۋىپتى جانە اسا ءقاۋىپتى اۋرۋلاردى دياگنوستيكالاۋ بويىنشا تەست جۇيەلەرىن ازىرلەۋگە باعىتتالعان»، - دەدى ول.
