23:35, 10 - ماۋسىم 2020 | GMT +5
قازاقستاندا كوروناۆيرۋستان تاعى 6 ناۋقاس قايتىس بولدى
نۇر- سۇلتان. قازاقپارات - قازاقستاندا كوروناۆيرۋس ىندەتىنەن تاعى 6 ناۋقاس قايتىس بولدى، دەپ حابارلايدى قازاقپارات coronavirus2020.kz سايتىنا سىلتەمە جاساپ.
اتاپ ايتساق، نۇر- سۇلتان قالاسىندا – 47، 59، 68 جانە 70 جاستاعى ءتورت ەر ادام، باتىس قازاقستان وبلىسىندا - 79 جاستاعى ايەل، قاراعاندى وبلىسىندا - 67 جاستاعى ەر ادام كوز جۇمدى.
«ءولىم ناتيجەلەرىن زەرتتەۋ جونىندەگى كوميسسيا بۇل جاعدايلاردى كوروناۆيرۋس ينفەكتسياسىنان بولعان دەپ تىركەۋگە شەشىم قابىلدادى»، - دەلىنگەن اقپاراتتا.
بۇگىنگە دەيىن قازاقستاندا كوروناۆيرۋس بارلىعى 13319 ادامنان انىقتالدى، ونىڭ ىشىندە 8345 ناۋقاس جازىلعان، 67 ناۋقاس قايتىس بولدى.
