قازاقپارات كۇنتىزبەسى: 6- ءساۋىر

None
None
نۇر-سۇلتان. قازاقپارات - قازاقپارات وقىرماندار نازارىنا 2020-جىلعى 6- ساۋىرگە ارنالعان كۇنتىزبەنى ۇسىنادى.

اتاۋلى كۇندەر

بەيبىتشىلىك پەن دامۋ ءۇشىن حالىقارالىق سپورت كۇنى

2013-جىلى 23- تامىزدا ب ۇ ۇ باس اسسامبلەياسى بەكىتكەن. كەز كەلگەن ەلدە سپورتتىڭ الۋان ءتۇرىن ناسيحاتتايتىن سپورتتىق قوعامداستىقتار بار. سپورتپەن شىعۋ تەگى مەن الەۋمەتتىك جاعدايىنا قاراماستان ءاربىر ادام شۇعىلدانا الادى. ال سپورتتىق شارالاردىڭ الۋاندىعى جانە ەرەكشە سيپاتى بەيبىتشىلىكتى دامىتىپ، نىعايتا تۇسەتىن ماڭىزدى فاكتورعا اينالدى.

دۇنيەجۇزىلىك ۇستەل تەننيسى كۇنى العاش رەت 2015-جىلى اتالىپ ءوتتى. جاڭا سپورتتىق داتانىڭ بەكىتىلۋىنە حالىقارالىق ۇستەل تەننيسى فەدەراتسياسى (International Table Tennis Federation, ITTF) مۇرىندىق بولدى.

ماقسات - اتالمىش سپورت ءتۇرىن كەڭىنەن تانىتۋ، ونى ءارتۇرلى ەلدەردە دامىتۋ، تەننيسپەن اينالىساتىن ادامداردى بىرىكتىرۋ جانە سالاۋاتتى ءومىر سالتىن ناسيحاتتاۋ.

ەستە قالار وقيعالار

1992-جىلى قازاقستان رەسپۋبليكاسى مەن كانادا، قازاقستان رەسپۋبليكاسى مەن پالەستينا ديپلوماتيالىق قاتىناستاردى ورناتۋ تۋرالى نوتالارىمەن الماستى.

1993-جىلى قازاقستان رەسپۋبليكاسىنىڭ پرەزيدەنتى نۇرسۇلتان نازاربايەۆ پەن «شيەۆرون» (ا ق ش) مۇناي كورپوراتسياسىنىڭ باسقارما ءتوراعاسى كەننەت دەرر «تەڭىزشيەۆرويل» بىرلەسكەن كاسىپورنىن قۇرۋ تۋرالى كەلىسىمگە قول قويدى.

«تەڭىزشيەۆرويل» - قازاقستانداعى مۇناي جانە گاز وندىرەتىن ەڭ ءىرى كومپانيا.

1995-جىلى قاراعاندى قالاسىندا عالىم ەبىنەي بوكەتوۆ تۇرعان ۇيگە ەسكەرتكىش تاقتا ورناتىلدى.

1999-جىلى الماتى وبلىسى كوكسۋ اۋدانىنىڭ بالپىق ءبي كەنتىندە باتىر، شەشەن، بالپىق بيگە ەسكەرتكىش ورناتىلدى.

2012-جىلى تامپا قالاسىندا (ا ق ش، فلوريدا شتاتى) وتكەن «گاسپاريللا» حالىقارالىق كينوفەستيۆالىندە تانىمال گولليۆۋد اكتەرى، رەجيسسەر ارمان اسسانتەنىڭ قازاقستان تۋرالى «دالا ديالوگى» فيلمى ۇزدىك قىسقامەتراجدى دەرەكتى فيلم رەتىندە جۇلدەگە يە بولدى.

قازاقستان جايلى 27 مينۋتتىق فيلم ءوزىن پروديۋسەر، سەناريست جانە رەجيسسەر رەتىندە سىناپ كورگىسى كەلگەن شەتەلدىك تانىمال اكتەردىڭ كوزقاراسىمەن ءتۇسىرىلدى. قازاقستان تۋرالى فيلم - ونىڭ العاشقى جۇمىستارىنىڭ ءبىرى.

2014-جىلى ۇلىبريتانيادا قازاق ادەبيەتىنىڭ اپتالىعى ءوتتى، ونىڭ بارىسىندا بەلگىلى قازاق دراماتۋرگى دۋلات يسابەكوۆتىڭ تۋىندىسى العاش رەت اعىلشىن تىلىندە ۇسىنىلدى.

2015-جىلى «نۇرلى جول» جاڭا ەكونوميكالىق بەلدەۋى اياسىندا كاسپييدە قۇرىق پورتىندا پاروم كەشەنىنىڭ قۇرىلىسى باستالدى.

2017 -جىلى جامبىلدىق عالىمدار ۆلاديمير كيم جانە مۇقاتاي نەمەرەبايەۆ فرانكفۋرتتاعى (گەرمانيا) 2016-جىلعى حالىقارالىق كىتاپ جارمەڭكەسىنىڭ التىن مەدال يەگەرى اتاندى.

2017-جىلى باتىس ساحارادا (MINURSO) بەيبىتشىلىك پەن قاۋىپسىزدىكتى قولداۋ جونىندەگى ب ۇ ۇ ميسسياسىنا قاتىسىپ جاتقان قازاقستان قارۋلى كۇشتەرىنىڭ وفيتسەرى پودپولكوۆنيك دانيار يسمايلوۆ كۇشتەر قولباسشىسىنىڭ وكىمىمەن شتابتىڭ وقۋ ءبولىمى باستىعى لاۋازىمىنا تاعايىندالدى.

جاڭا لاۋازىمدا دانيار يسمايلوۆ وقىتۋ ستاندارتتارىنا، وزدەرىنە جۇكتەلگەن تاپسىرمالاردى ءتيىمدى ورىنداۋ ءۇشىن بارلىق اسكەري باقىلاۋشىلاردىڭ دايىندىعى مەن ازىرلىگىنە جاۋاپ بەرەدى.

ودان باسقا، قازاقستاندىق وفيتسەر ب ۇ ۇ- نىڭ ميسسياسىنا قاتىسۋ ءۇشىن كەلگەن اسكەري جانە ازاماتتىق پەرسونالدان اعىلشىن تىلىنەن ەمتيحان قابىلدايدى جانە وعان جەتەكشىلىك ەتەدى.

2018-جىلى تۇركيادا تۇركى الەمىنە ورتاق تاريحتى قامتيتىن وقۋلىق مەكتەپ باعدارلاماسىنا تاڭداۋ ءپانى رەتىندە ەنگىزىلدى. قازاقستاندا شىعارىلعان وقۋلىقتى حالىقارالىق تۇركى اكادەمياسى (TWESCO) ازىرلەپ شىعارعان. وسى وقۋلىقپەن قازاقستاندا نازاربايەۆ زياتكەرلىك مەكتەبىنىڭ وقۋشىلارى دا وقيدى.

2019-جىلى «ليتۆاداعى قازاقستان كوكتەمى» فەستيۆالىنىڭ سالتاناتتى اشىلۋىندا اتاقتى قازاقستاندىق رەجيسسەر اقان ساتايەۆتىڭ «اناعا اپارار جول» فيلمى كورسەتىلدى.

سوڭعى جاڭالىقتار