جوعالىپ كەتكەن 6 جاسار بالا تابىلدى

الماتى. قازاقپارات - الماتى پوليتسياسى جوعالىپ كەتكەن 1-سىنىپ وقۋشىسىن تاپتى، دەپ حابارلايدى قازاقپارات ءتىلشىسى.

پوليتسياعا كەشكى ساعات 17:55 تەر شاماسىندا 6 جاسار باعجان ەربولاتتىڭ جوعالىپ كەتكەنى تۋرالى حابار بەرىلگەن. اناسىنىڭ ايتۋىنشا، بالا «دوروجنيك» شاعىن اۋدانىنداعى ءۇيدىڭ اۋلاسىندا ويناپ جۇرگەن.

«بالاسى تابىلماعان سوڭ ايەل پوليتسياعا جۇگىنگەن. ءبىز بىردەن بىرنەشە ىزدەۋ توبىن قۇردىق. وعان كريمينالدى پوليتسيا، جاسوسپىرىمدەر ءىسى بويىنشا ءبولىم ينسپەكتورلارى تارتىلدى. باعجان ۇلكەن الماتى كانالىنا كەتىپ قالدى اۋ دەگەن دە وي بولدى. بالانىڭ ءتۇر سيپاتى تۋرالى حابار الماتى اۋداندىق پوليتسيا باسقارمالارىنا تاراتىلدى»، - دەدى جەتىسۋ اۋداندىق پوليتسيا باسقارماسىنىڭ باسشىسى دارحان مۇسانوۆ.

پوليتسيا نەگىزىنەن ىزدەۋ جۇمىستارىن اينابۇلاق شاعىن اۋدانىندا جۇرگىزدى.

بالانىڭ قولىندا ساموكات بولعان.

تۇنگى ساعات 22:00 دەر شاماسىندا پوليتسيا ەكيپاجى بالانى قاپشاعاي كوپىرىندە وبلىسقا قاراي كەتىپ بارا جاتقان جەرىنەن تاپتى.

«بالا ءدىن امان. اناسىنا تاپسىرىلدى. اناسىنىڭ قۋانىشىندا شەك جوق. باعجان وتباسىنىڭ تۇڭعىشى. بيىل ءبىرىنشى سىنىپقا بارعان. ۇيىنەن نەگە كەتىپ قالعانىن ازىرشە تۇسىندىرە الماي وتىر»، - دەدى پولكوۆنيك دارحان مۇسانوۆ.

اۆتور: گۇلميرا عوسمانالي